"Hər gün işə çıxıram,səhhətimdə heç bir problem yoxdur" - Fuad Ələsgərov

Son günlər bir sıra media resurslarında və sosial şəbəkələrdə Azərbaycan Respublikası Prezidentinin köməkçisi − Azərbaycan Respublikası Prezidentinin Administrasiyasının Hüquq-mühafizə orqanları ilə iş şöbəsinin müdiri Fuad Ələsgərovun səhhətində ciddi problemlərin yarandığı və işə çıxmadığı bildirilib.

Faktinfo.az xəbər verir ki,Manset.az yayılan xəbərlə bağlı Prezidentin köməkçisi Fuad Ələsgərovla əlaqə saxlayıb.

O, sayta açıqlamasında yayılan xəbərləri təkzib edib:

"Yalan söhbətdir,necə yəni işə çıxmıram? Mən hər gün işə çıxıram.Səhhətimdə heç bir problem yoxdur. Yazılanlar boş-boş söhbətlərdir".