Hicran Hüseynova Fransada villanı sökdürməsi ilə bağlı iddiaya münasibət bildirdi: "Sənəd göstərəydilər ki, mənim adımadır" 

Milli Məclisin Ailə, qadın və uşaq məsələləri komitəsinin sədri Hicran Hüseynova mətbuatda bacısı ilə birgə Fransada dəniz sahilində 5 milyon avroluq villanı sökdürüb, yerində kompleks tikdirməsi ilə bağlı yayılan məlumata münasibət bildirib.

Faktinfo.az xəbər verir ki, Pravda.az-ın suallarını cavablandıran komitə sədri deyib ki, bu məlumat həqiqətəuyğun deyil.

 "Sənəd göstərəydilər ki, villa mənim adımadır. Boş-boş danışıqlar kimə lazımdır? Özündən sensasiya yaradan insanlardır...", - H.Hüseynova bildirib.