İlyas İsmayılov dəfn olunub - YENİLƏNİB

Azərbaycanın sabiq Baş prokuroru, ədliyyə naziri, Ədalət Partiyasının sədri İlyas İsmayılov dəfn olunub.

O, Nardaran qəbiristanlığında torpağa tapşırılıb.

Dəfn mərasimində mərhumun ailə üzvləri, yaxınları, o cümlədən, ictimaiyyət nümayəndələri iştirak ediblər.

***

Bakıda Heydər Məscidində Ədalət Partiyasının sədri, keçmiş Baş prokuror İlyas İsmayılovla vida mərasimi keçirilir.

Vida mərasimində ictimai-siyasi xadimlər, mərhumun partiyadaşları, ailə üzvləri və yaxınları iştirak edirlər.

Vidadan sonra İlyas İsmayılov Bakının Nardaran qəsəbəsindəki qəbiristanlıqda - mərhum oğlu Etimad İsmayılovun məzarı yanında dəfn olunacaq.

Qeyd edək ki, Ədalət Partiyasının sədri, keçmiş baş prokuror İlyas İsmayılov dünən 87 yaşında vəfat edib.