İran uranın zənginləşdirilməsini 60 faizə çatdırıb 

APA.az xəbər verir ki, bu barədə "Reuters" agentliyi məlumat yayıb.

Agentliyin qeyd edib ki, söhbət Nətənz və Fordo regionlarında yerləşən iki nüvə obyektindən gedir. İrandan uranın zənginləşdirilməsi sürəti ay ərzində 3-9 kq qiymətləndirilib.

Həmçinin əlavə olunub ki, bu məlumatlar Atom Enerjisi üzrə Beynəlxalq Agentlik (AEBA) hesabatına istinadən dərc edilib. İranın ötən ayın sonundan etibarən uranın zənginləşdirilməsi sürətini artırmağa başladığı bildirilib. AEBA-nın qiymətləndirməsinə əsasən, atom silahı istehsal etmək üçün uranın 90 faizə qədər zənginləşdirilməsi lazımdır və 1 atom bombası üçün təxminən 42 kq material nəzəri cəhətdən kifayətdir.