İsa Qəmbərin Krımla bağlı açıqlaması müzakirələrə səbəb oldu
Müsavat Partiyasının sabiq başqanı, Milli Strateji Düşüncə Mərkəzinin sədri İsa Qəmbərin Krımla bağlı açıqlaması müzakirələrə səbəb olub.
Pravda.az-ın xəbərinə görə, İ.Qəmbər “Xural TV”nin efirində bildirib ki, Rusiya və Ukrayna Krımın müstəqil dövlət kimi mövcudiyyəti ilə barışmalı olacaq.
“Ad qoyub, insanları hürkütməyək. Söhbət orada yaşayan insanlardan gedir. Krım tatarları söz sahibləridirlər... Rusiyada əvvəl-axır rejim dəyişəcək. Hətta onlar üçün də Krımı Ukraynaya qaytarmaq çətin olacaq. İctimai rəydə nəyisə, kiməsə qaytarmaq populyar addım deyil. Krımın müstəqilliyi ilə razılaşma əldə olunsa, bu, Rusiya və Ukrayna üçün uğurlu gediş ola bilər” – İ.Qəmbər qeyd edib.
Onun fikri sosial şəbəkələrdə tənqid edilib.
Birinci məlumatlanmaq üçün facebook səhifəmizi
Bu xəbər üçün şərh yazın