Kanadanın Toronto şəhərində “Zəfər bayrağı” adlı bayram tədbiri keçirilib 

Bayram tədbirində iştirak edən tarixçi alim, dosent  Zəfər Bayramovun  Toronto şəhərindən  verdiyi məlumata görə, “Vətən” Azərbaycan İncəsənət və Mədəniyyət Mərkəzinin təşkilatçılığı ilə reallaşdırılan tədbirdə Azərbaycandan da xüsusi nümayəndələr iştirak ediblər: "...

 Bayram tədbiri olduqca coşqu və əsl qələbə əhval- ruhiyyəsi ilə keçirilib.Mərasimdə Kanadada yaşayan çoxsaylı soydaşlarımız, eləcə də Azərbaycanın Kanadadakı müvəqqəti işlər vəkili Vasif Abutalıbov, Türkiyənin Torontodakı baş konsulu Sinem Mingan, Moldovanın Torontodakı baş konsulu George Oprea, Albaniyanın Torontodakı baş konsulu Genc Tirana, eləcə də Azərbaycan mədəniyyət və incəsənətini təmsil edən mədəniyyət ustalarımız iştirak edirdilər. Tədbir Azərbaycan və Kanadanın dövlət himnlərinin səsləndirilməsi ilə başlayıb, sonra  44 günlük Vətən müharibəsində və 2023- cü ilin 19-20 sentyabr tarixlərində Qarabağ bölgəsində erməni terrorçularının zərərsizləşdirilməsi üçün həyata keçirilən hərbi əməliyyat zamanı şəhid olan qəhrəman oğullarımızın xatirəsi bir dəqiqəlik sükutla yad edilib. 

“Vətən” Azərbaycan İncəsənət və Mədəniyyət Mərkəzinin rəhbəri Lalin Həsənovanın təbrikindən sonra qonaqlara “Təbriz” ansamblının ifasında milli musiqi və rəqs nümunələrimiz təqdim olunub. Çıxış edən natiqlər, xüsusən də Türkiyənin Toronto şəhərindəki baş konsulu Sinem Minganın bayram təbriki alqışlarla qarşılanıb. 

Məlumatda, "Azərbaycanın Dövlət himni səslənəndə hər birimiz kövrək anları yaşadıq,Zəfər Günümüzdən dərin qürur hissi keçirdik"-deyə bildirilir.

Qeyd edək ki,bayram tədbirində, həmçinin qonaqlara Azərbaycan bayrağının tarixi, Qarabağ müharibəsinin xronologiyası haqqında video, habelə uzun illər Kanadada yaşamış mərhum bəstəkar Adil Bəbirovun Qarabağ musiqisinə həsr edilmiş “Karabakh is Azerbaijan” videosu nümayiş etdirilib.

Qarabağ Azərbaycandır! Zəfər Günümüz mübarək olsun!

Faktinfo.az