"Kimin haqlı, kimin haqsız olmasını Türkiyə xalqı özü müəyyən edəcək..." - ŞƏRH

Və bu da özünü cəmiyyətin çalxalanması şəklində büruzə verir. Və burada söhbət kimin haqlı, kimin haqsız olmasından getmir. Bunu Türkiyə xalqı özü müəyyən edəcək... Amma məsələ ilk növbədə bu hadisələrin ölkənin ümumi durumuna, beynəlxalq siyasi meydandakı çəkisinə, növbəti strateji addımlarına necə təsir göstərməsindədir”.

Bunu Moderator.az əməkdaşının “Türkiyədə müxalifətdə olan Cümhuriyyət Xalq Partiiyasının fəallarından olan İstanbul meri Əkrəm İmamoğlunun həbsindən sonra son ongünlüklərdə baş verən kütləvi etiraz aksiyalarını necə dəyərləndirirsiz” sualını cavablandırarkən keçmiş xarici işlər naziri Tofiq Zülfüqarov dilə gətirib.

“Hiss olunur ki, xarici qüvvələrin Türkiyədəki hadisələrə dəstək verməkdə məqsədi ondan ibarətdir ki, ölkənin idarəetmə sistemini zəiflətsinlər. Və hesab edirəm ki, bu, əsas təhlükədir. İndi biz yaxşı başa düşürük ki, Qərb çox zaman hər hansı bir ölkədəki müxalifətə demokratiik dəyərlərə görə yox, siyasi və geopolitik maraqlara görə dəstək verir. Və hazırda belə bir dəstək Türkiyə müxalifətinə verilir, məqsəd də bəllidir: Ərdoğan komandasını zəiflətmək və onun xarici siyasətdə atdığı addımlara bir növ təzyiq etmək. Bu həm Rusiya ilə münasibətlərlə, həm də Suriyada baş verənlərlə bağlıdır. Çünki ciddi geopolitik proseslər baş verir. Və hazırkı durumdan narazı olanlar belə hesab edirlər ki, ölkə daxilindəki proseslərdən yararlanaraq Türkiyəni zəiflədə bilərlər. Hesab edirəm ki, bir çoxları baş verənləri məhz bu müstəvidə təhlil edir. Mən də onların sırasındayam”, -deyə davamında sabiq baş diplomat vurğulayıb.