Milli Kitabxanada “Azərbaycan Milli Elmlər Akademiyası - 80” adlı virtual sərgi və geniş ənənəvi kitab sərgisi istifadəçilərə təqdim olunub

Milli Kitabxanada “Azərbaycan Milli Elmlər Akademiyası - 80” adlı virtual sərgi və geniş ənənəvi kitab sərgisi istifadəçilərə təqdim olunub 

Faktinfo.az xəbər verir ki,Milli Kitabxanada böyük, zəngin və şərəfli tarixi yol keçmiş Azərbaycan elminin baş qərargahı – Azərbaycan Milli Elmlər Akademiyasının təsis edilməsinin 80-ci ildönümü ilə əlaqədar olaraq  “Azərbaycan Milli Elmlər Akademiyası - 80” adlı virtual sərgi  və geniş ənənəvi kitab sərgisi istifadəçilərə təqdim olunub.

Sərgilərdə rəsmi sənədlər, Azərbaycan Milli Elmlər Akademiyasının yaranması, tarixi, elmin inkişaf mərhələləri, elm ocağının təsisçiləri, alimləri, əməkdaşların elmi tədqiqatları, ayrı-ayrı institutlarının nəşrləri, elmi əsərləri, elmi jurnallar və s. Azərbaycan və xarici dillərdə ədəbiyyatlar, Milli Kitabxananın görkəmli elm xadimləri haqqında nəşr etdiyi biblioqrafiyalar, dövri mətbuatda çap  olunan yubiley məqalələri nümayiş olunur.

Virtual sərgi ilə tanış olmaq istəyənlər https://anl.az/el/vsb/AMEA/index.htm linkindən istifadə edə bilərlər.

Ənənəvi sərgi bir həftə davam edəcək.

Qeyd edək ki, 18 mart 2025-ci il tarixində prezident cənab İlham Əliyev respublikanın ali elmi təşkilatı – Azərbaycan Milli Elmlər Akademiyasının təsis edilməsinin 80-ci ili münasibətilə “Azərbaycan Milli Elmlər Akademiyasının 80 illiyinin qeyd edilməsi haqqında” Sərəncam imzalayıb.

Elmlər Akademiyası 1945-ci ilin 27 mart tarixində 15 həqiqi üzvün iştirakı ilə təsis olunub və akademiyanın Nizamnəməsi təsdiq edilib. Ümummilli Lider Heydər Əliyevinin Fərmanı ilə 2003-cü ildə Elmlər Akademiyasına Milli Elmlər Akademiyası statusu verilib.

İlk dəfə olaraq AMEA-nın 30 illik yubileyi 1975-ci il ildə Ulu Öndər Heydər Əliyevin təşəbbüsü və qayğısı nəticəsində qeyd olunub. Sonrakı mərhələdə isə Prezident İlham Əliyevin müvafiq sərəncamları ilə 2005 və 2015-ci illərdə AMEA-nın 60 və 70 illik yubileyləri dövlət səviyyəsində keçirilib.

Birinci məlumatlanmaq üçün facebook səhifəmizi