Milli Kitabxanada "Şuşa əl işləri", "Şuşa məişət əşyaları", "Şuşa zərgərlik məmulatları", "Şuşa milli geyimləri" adlı virtual sərgilərin təqdimatı keçirilib - FOTO

Dövlətimizin, tariximizin ayrılmaz parçası olan Şuşa milli mədəniyyətimizin inkişaf tapdığı şanlı bir diyardır. Şuşa təkcə özünün coğrafi gözəlliyi və siyasi mərkəz olması ilə deyil, mənəvi irsimizin nümunələrini özündə əks etdirməsi ilə də tarixi və mədəni əhəmiyyətə malikdir. Şərq ölkələrinin mədəniyyət mərkəzlərindən olan, milli memarlıq üslubu və şərqlilərə məsxus memarlığı ilə, mədəniyyətimizə, ədəbiyyatımıza, incəsənətimizə bəxş etdiyi tarixi şəxsiyyətləri ilə seçilən, muğamın beşiyi, Qarabağın dilbər güşəsi sayılan Şuşa, həqiqətən, özü boyda tarixi abidədir.

Təqdim olunan virtual sərgilərdə Şuşaya məxsus XIX əsrə aid tikmə nümunələri, geyim mədəniyyəti, sənətkarlarının hazırladığı zərgərlik nümunələri, əhalinin istifadə etdiyi məişət əşyaları, onun təsnifatı, əyani-vizual görüntüləri və qısa tarixi öz əksini tapıb.

Virtual sərgilərlə tanış olmaq istəyənlər http://anl.az/el/vsb/Susa_el_isleri/index.htm, http://anl.az/el/vsb/Susa_milli_geyimleri/index.htm, http://anl.az/el/vsb/Susa_meiset_esyalari/index.htm, http://anl.az/el/vsb/Susa_zergerlik_memulatlari/index.htm, linklərindən istifadə edə bilərlər.

Faktinfo.az