Partiya sədrindən XƏBƏRDARLIQ: “Bir müddət sonra…” 

Məmurların maaşlarının artması problem deyil – problem əhalinin gəlirlərinin az olmasıdır, etiraz doğuran məsələ budur.

Bu barədə Real Partiyasının sədri Natiq Cəfərli bildirib. O qeyd edib ki, əhali varlanmalıdır:

“Hökumətin əsas hədəfi əhalinin varlanması olmalıdır – hədəf səhv seçilib. İndi hökumət büdcənin dolmasını əsas məqsəd sayır.

Halbuki, bu məqsəd ola bilməz – əhali varlansa, biznes inkişaf etsə zatən büdcəyə daha çox vəsait daxil olacaq.

İndiki vergi-rüsum-lisenziya-cərimə-qadağa siyasəti, “qızıl yumurtlayan toyuqları kəsmək” yanaşmasıdır.

Bir müddət sonra büdcə də dolmayacaq, insanlar da dolana bilməyəcək, iqtisadiyyat isə “başı kəsilmiş toyuq”, kimi çırpınacaq”.