Azərbaycan Prezidentinə müraciət:"...bir olan ALLAHA sığınmışam və sizə ümid bağlamışam" 

Faktinfo.az Azərbaycan Respublikasının Prezidenti İlham Əliyev cənablarına,Qəzənfərova Nərmin Rahim qızı tərəfindən ünvanlanan müraciət mətnini təqdim edir: 

Hörmətli cənab prezident!

Müraciətim vasitəsilə bildirmək istəyirəm ki,Respubilka  Dəri-Zöhrəvi Mərkəzinə TƏBİB tərəfindən Muşviq Zeynalovun baş həkim təyin edilməsindən sonra narazı salınan tək mən deyiləm.Oradan narazı salınıb,irzikdirilən onlarla həkim tibb müəissəsini tərk etmək məcburiyyətində qaldı.Yəni sizin dəfələrlə vurğuladığınız tövsüyyələrinizin əksinə gedildi,65 yaşı tamam olan bir çox peşəkar həkimlərlə əmək müqaviləsinin uzadılmasına baş həkim Muşviq Zeynalov razı olmadı.

Beləcə zaman ötdü və baş həkim TƏBİB-də özünə tərəfdarlar topladı,orada yüksək vəzifədə çalışan qohumlarının xətti ilə vəzifədə qohumu ,pulu olmayan işçiləri də çörəyindən etdi.Onlardan biri də mənəm.

Belə ki,Respubilka  Dəri-Zöhrəvi Mərkəzinin baş həkimi Muşviq Zeynalov məni (Qəzənfərova Nərmin Rahim qızı) operator işindən kərgüzarlıq işinə keçirtdi.Oturduğum otaqdan çıxarıldım,toz-torpaq basmış,təmirsiz,giriləsi olmayan  arxiv otağına keçirildim.Övladlarım üçün bir tikə çörək məcburiyyətindən dözdüm,arxiv otağını da öz hesabıma təmir etdirdim.Lakin bir müddət sonra eşitdim ki,baş həkim Muşviq Zeynalov məni kərgüzarlıq işindən də azad edib,xidmətçi kimi rəsmiləşdirib.Mən xidmətçi işinə keçirilməyimi 2 ay sonra bildim və buna narazılığımı ifadə etdim.Lakin o, "adın xidmətçi gedəcək,amma işləməyəcəksən,oturarsan öz otağında gəl razılaş.Yox kərgüzarlıq işində qalsan şənbə və bazar günləri də işə çıxmalı olacaqsan.Mən isə bildirdim ki,hansı qanunda var ki,bazar günü mən işə çıxmalıyam.Bu qanunu kim qəbul edib.Qaldı,şənbə gününə işim olarsa təbii gələrəm.Bu fikrimlə razılaşmadı.Özün bil,əks təqdirdə ərizəni yazacaqsan,yoxsa səni əmək məcəlləsinin 70 Ç maddəsi ilə işdən çıxardacağam",-deyərək məni hədələdi.

Mən isə onun təklifi ilə razılaşmadım,bu qərarından şikayət edəcəyimi bildirdim.Bu zaman o,tələm-tələsik məni təkrar kərgüzarlıq işinə qaytardı.Bir müddət sonra məlum oldu ki,guya mən işə aylarla gecikdiyimdən töhmət almışammış.Bunu necə rəsmiləşdirdilər bilmirəm.Həmin arada baş həkim Muşviq Zeynalov mənə izahat yazmağımı da bildirdi.

Baş həkimə "bir dəfə işə gecikmişəm,onda da azyaşlı oğlum yanımda olub.Buna görə,işçiyə töhmət yazarlarmı,heç olmasa xəbərdarlıq edəydiniz,bilirsiniz ki,kreditim var,kirayədə yaşayıram,qaçaraq övladlarımı məktəbə qoyub işə gəlirəm vəs."-fikrimi bildirdim.

Hörmətli cənab prezident!

Qarşı tərəf ədalətli və humanist davranmadı,31.08.2022-ci il tarixində Respublika  Dəri-Zöhrəvi Mərkəzinin baş həkimi Muşviq Zeynalov tərəfindən Əmək Məcəlləsinin 70 ç maddəsi ilə işdən çıxarıldım,çox böyük haqsızlıqla üz-üzə qaldım.Qəribəsi də odur ki,mənim yerimə kadrlar şöbəsinin müdiri Nuridə Almazovanın qohumu işə götürüldü.O,iş saatlarını Nuridə Almazovanın otağında oturmaqla başa vurur.Sonradan anladım ki,baş həkim məni niyə kərgüzarlıq işindən çıxartmaq istəyirmiş.Çünkü bütün "işlərdə" kadrlar şöbəsinin müdiri Nuridə Almazova Respubilka Dəri-Zöhrəvi Mərkəzində Muşviq Zeynalov üçün öndə gedən 3 isimdən biridir.Ümumiyyətlə,orada çalışanların,işləyənlərin əksəriyyəti kadrlar şöbəsinin müdiri Nuridə Almazovanın,baş həkimin müavini Sevil Yusifovanın və baş həkimin qohumları,tanışlarıdır.Son 2 ildə orada aparılan "islahat" önününküləşdirmə,mənimsəmə,rüşvət alma prinsipləri üzərində qurulub.Buna görə də savadlı,mövqeyi olan bütün həkimlər oranı tərk etmək məcburiyyətində qaldılar.Çünkü pullu xəstələrin Muşviq Zeynalov tərəfindən özünə yaxın həkimlərə yönləndirilməsi baş verib,orada pasiyentlər qorxudulub onlara yüksək məbləğlər "oxunursa",arayış 10-15 manata satılırsa,xəstələrə normal dərmanlar verilmirsə,ən pullu vəzifələrdə baş həkimə yaxın şəxslər işləyirsə,ştat vahidlərinə müdaxilələr olursa,daha nələr-nələr yazmağa,utandığımdan deyə bilmədiyim hallar baş verirsə, təbii orada qalıb işləməyin  çətin olduğunu təsəvvür etmək çətin deyil.Nümunə üçün deyə bilərəm ki,Kadrlar şöbəsinin müdiri Nurudə Almazova mənə yazdığı mesajı mən ifadə etməyə utanıram.

Baş həkim Muşviq Zeynalova bayramlarda,ad günündə konvertlər verilir,istədiyi xəstəyə istədiyi dərmanı verdirir,orada istənilən işçinin davamiyyətinə göz də yumulur.Amma 2 uşaq anası,həyat yoldaşı demək olar işsiz olan,banklara krediti qalan mənə gəlincə -işdən çıxardılmalı oldum.Nəticədə şəhərdən gedib ucuz bir bağ evində yaşayası oldum,uşaqlarım normal məktəbə gedə bilmədilər,bir neçə xəstəliyimi müalicə etmək üçün pulum olmadı.Hansı əziyyətlərə qatlaşmalı oldum,ifadə etməyim çox çətindir.Baş həkim Muşviq Zeynalov mənə zlüm etdi.

Beləliklə deyə bilərəm ki,Əmək Məcəlləsinin 70ç maddəsi ilə işdən çıxarıldığıma görə,bugünkü günə qədər heç yerdə işə düzələ bilmirəm.Dəfələrlə aidiyyatı qrumlara,hüquq-mühafizə orqanlarına müraciət etmişəm,hələki mənə dair edilən özbaşnalığa,pozulmuş hüququma obyektiv qiymət verən yoxdur.Odur ki,bu kimi laqeyid münasibətdən istifadə edən baş həkimin əməllərindən sizə müraciət etmək məcburiyyətində qaldım.

Hörmətli cənab prezident!

2023-ci il Heydər Əliyevin  anadan olmasının 100 ili tamam olur.Ümummilli liderin yubileyi münasibətilə yüzlərlə kimsəsizlərə əl tutulur, hüququ pozulmuş şəxslərin haqqı özünə qaytarılır- inanıram onlardan biri də mən olacağam. 

İnanıram ki,Respublika  Dəri-Zöhrəvi Mərkəzində ştat vahidlərinə edilən müdaxilələrlə bağlı,ora ayrılan dövlət vəsaitinin xərclənməsinin yoxlanılması üçün Azərbaycan Respubilkasının Maliyyə Nazirliyinə göstəriş verəcəksininz.

İnanıram Respublika  Dəri-Zöhrəvi Mərkəzinin yenidən təşkilinə,orada  həkimlərin və məni kimi bir tikə çörəyini qazanan şəxslərin nə səbəbə,hansı maraqlardan irəli gələrək işdən çıxardılmasının araşdırılması üçün hüquq-mühafizə orqanlarına göstəriş verəcəksiniz.Çünkü mənim elə pulum yoxdur ki,Əmək Məcəlləsinin 70ç maddəsi ilə işdən çıxardılmağımı məhkəmə müstəvisində həll edəm.Eləcə də TƏBİB-ə,ƏƏSMN-yə etdiyim müraciətlər Muşviq Zeynalovun lehinə həll edildiyindən artıq bu qrumlara təkirar-təkirar müraciət etməyimdə heç bir məna görmürəm.Mən nə qəbahət etmişdim ki, Əmək Məcəlləsinin 70ç maddəsi ilə işdən çıxardılmışdım,sualına bu qrumlardan müsbət cavab ala bilmədim.Respublika  Dəri-Zöhrəvi Mərkəzinin baş həkimi Muşviq Zeynalovun pulu,TƏBİB-də adamları var,bir sözlə "əli uzundur,hər yerə çatır", mən isə bir olan ALLAHA sığınmışam və sizə ümid bağlamışam.Bu səbəbdən ancaq və ancaq mətbuat üzərindən sizə müraciət etməyi məqsədə uyğun bilirəm.Allahın lütfü böyükdür,inanıram bir gün haqq öz yerini tutacaqdır.Mənə bu dünyanı dar, 2 balamı isti yerindən,bir tikə çörəyindən edənlər sizin sayənizdə cəzalarını alacaqlar.

Diqqətinizə görə təşəkkür edirəm.

Qəzənfərova Nərmin Rahim qızı

Telefon:(070) 900 37 07

Şəxsiyyət vəsiqəsi : AA-0472606