Rektor diplom vermədiyi məzunlardan yayınır- Biz yalnız nazirliyin verdiyi cavaba inanırıq 

Bu barədə UNEC məzunları Gununsesi.info-ya müraciətində bildirib.

Onların sözlərinə görə, 2 ildir ki, diplom verilmir:

“Biz 2023-2024-cü il məzunlarıyıq. Hər dəfə bizə söz verilir, amma heç bir nəticə çıxmır, hər zaman ‘bugün, sabah veriləcək’ deyilir. Bu vəziyyət bizi çox çətin duruma salıb.”

Məzunlar bildirib ki, dəfələrlə Ədalət Muradova müraciət etsələr də, lakin rektor onları qəbul etmir və görüş üçün prorektorlara yönləndirir:

“Bəzi məzunlar hərbi xidmətdədirlər, əgər diplom verilməsə 1il 6 ay xidmət edəcəklər. Elm və Təhsil Nazirliyi bu məsələ ilə bağlı ictimaiyyətə heç bir açıqlama vermir. UNEC-in mətbuat katibi isə hər dəfə soruşanda bildirir ki, yaxın günlərdə veriləcək. O da UNEC-in adına ləkə gəlməməsi üçün belə deyir. Elm və Təhsil Nazirliyi isə bu məsələyə cavab vermir. İndi biz hər iki müəssisənin arasında qalmışıq. Biz yalnız Elm və Təhsil Nazirliyinin verdiyi cavaba inanırıq.”

Məzunlar onu da vurğulayır ki, UNEC Azərbaycanın ali təhsil müəssisəsi olmasına baxmayaraq, universitetdə təhsil almış rusiyalı vətəndaşların diplomu verilib.

UNEC-dən Gununsesi.info -nun sorğusuna cavab olaraq bildirilib ki, Dərbənd filialının məzunlarına diplom blanklarının təqdim edilməsi ilə bağlı Elm və Təhsil Nazirliyinə universitet tərəfindən rəsmi məktub göndərilib: “Məsələnin həlli istiqamətində nazirliklə mütəmadi olaraq əlaqə saxlanılır. Rusiya vətəndaşı olan məzunlara diplomlar verilmişdir. Digər məzunların diplom blankları isə nazirliyin müvafiq araşdırmalarından sonra mərhələli şəkildə təqdim olunacaq.”

Həmçinin, qeyd edilib ki, universitet tərəfindən məzun əmrləri həmin tələbələrə məzun olduqları ildə verilib. Diplom blankları ETN tərəfindən təqdim təqdim olunan gün məzunlara diplom veriləcək.

Elm və Təhsil Nazirliyindən isə Gununsesi.info -ya cavab olaraq məsələnin araşdırıldığı deyilib.

Faktinfo.az xatırladır ki,vəziyyət ciddiləşib,artıq diplomlarını ala bilməyən məzunlar müxtəlif  dövlət orqanlarına, o cümlədən  Azərbaycan Respublikası Prezident Administrasiyasına məktub ünvanlamaqdadırlar.O ki qaldı,Elm və Təhsil naziri Emin Əmurullayevin mövqeyinə o, bu məsələyə münasibət bildirib.

Daha ətraflı  burada.

Faktinfo.az