Rusiya ABŞ-ni İranı vurmamağa çağırdı – “Region üçün ciddi nəticələrə səbəb ola bilər...” 

Bunu Rusiya xarici işlər nazirinin müavini Sergey Ryabkov deyib.

"ABŞ-nin İrana qarşı hərəkətlərinin nəticələri, xüsusən də nüvə obyektlərinə yönəlibsə, bütün region üçün ciddi nəticələrə səbəb ola bilər", - nazir müavini qeyd edib.

Qeyd edək ki, bu, Moskvadan İran - ABŞ gərginliyi ilə bağlı ilk açıqlamadır. Məlumdur ki, İranın Ali dini lideri Seyid Əli Xamenei ABŞ Prezidenti Trampın təhdid dolu məktubuna eyni tonda cavab verib. Bundan sonra Tramp İranın bombalanacağı haqda açıqlama verib, dini lider də İran artilleriyasının müharibəyə hazır olduğunu bəyan edib. Qarşıdurma davam edir,

Birləşmiş Ştatlar hücum əməliyyatlarında istifadə olunacaq aviasiya və artilleriya sistemlərini, ağır raket və aviabombaları regiondakı hərbi bazalarına toplayır. Ekspertlərə görə, uzlaşma olmazsa, il ərzində regionda genişmiqyaslı qanlı müharibə mümkündür./Azpolitika.info