Rusiyanın 1700 km dərinliyinə zərbə: - Qırıcılar məhv edildi 

Ukrayna Hərbi Hava Qüvvələri Rusiyanın Çelyabinsk vilayətində yerləşən Şaqol aerodromuna zərbələr endirib. Hava hücumu zamanı bir neçə Su-57 və bir ədəd Su-34 qırıcısı məhv edilib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Hədəflərin PUA-larla vurulduğu bildirilib. Həmçinin aerodromda digər obyektlərə dəymiş ziyanın miqyası müəyyən edilir.

Baş Qərargah qeyd edib ki, hədəflər Ukraynanın dövlət sərhədindən təxminən 1700 km məsafədə yerləşir.