Xərçəngdən qorunmaq üçün nə yeməli?

ABŞ-dan olan tədqiqatçılar 30 yaşdan yuxarı təxminən 1 milyon 800 min xəstə haqqında məlumatları təhlil ediblər.

Alimlər belə qənaətə gəliblər ki, xərçəngə yoluxma hallarının demək olar ki, 40%-nin və ölüm hallarının 44%-nin qarşısını həyat tərzini dəyişdirməklə almaq olar.

Medicina.az xəbər verir ki,diyetoloq Dmitri Semiryadov xərçəng riskini azaldan məhsullardan danışıb:

"Pəhrizdə heç bir dəyişiklik, heç bir qida və ya məhsul 100% xərçəngin qarşısını ala və müalicə edə bilməz. Bununla belə, masamızda xərçəng risklərini azaltmağa kömək edə biləcək maddələr var.

Xərçəng əsasən hüceyrə DNT-nin parçalanmasının nəticəsidir ki, bu da mutasiyaya səbəb olur.Bəzi qidalarda antioksidantlar, DNT-ni zədələnmədən qoruyan maddələr var. Bunun sayəsində şişlərin meydana gəlməsinə səbəb olan hüceyrə anomaliyalarının inkişaf riski azalır.

Onların siyahısını təqdim edirik:

brokkoli;

kök;

lobya;

giləmeyvə;

qoz-fındıq;

zeytun yağı;

zərdəçal;

sitrus;

sarımsaq;

yağlı balıq.

İçkilər arasında yaşıl çay xüsusilə xərçəngin qarşısının alınmasında faydalıdır.