ABŞ-yə məxsus təyyarələr Fars və Oman körfəzləri üzərində uçur 

ABŞ Prezidenti Donald Trampın İrana zərbə endirməklə bağlı təhdidləri fonunda ABŞ hərbi təyyarələri yenidən Fars və Oman körfəzinin neytral suları üzərində uçur.
Yeniavaz.com xəbər verir ki, bu barədə Yaxın Şərq hava nəqliyyatına nəzarət xidmətindəki mənbə TASS-a danışıb.

“Hazırda ən azı beş “Boeing KC-135R Stratotanker” və “Boeing KC-46A Pegasus” tanker nəqliyyat təyyarəsi Fars körfəzi və Oman körfəzi üzərində uçur, bunlardan ikisi İran hava nəqliyyatına nəzarət edən hava məkanının sərhədinə yaxındır”, - mənbə bildirib.

Daha əvvəl Tramp ABŞ qüvvələrinin yaxın saatlarda İrana yeni zərbələr endirmək niyyətində olduğunu bildirib:

“Dünən gecə onlara çox güclü zərbələr endirdik. Bu gecə yenidən zərbə endirə bilərik. Onlara xəbərdarlıq edəcəyəm: bu gecə onlara güclü zərbələr endirəcəyik. Və nə olacağını görəcəyik”.