Ağstafada təcili tibbi yardım şöbəsində çevik idarəetməyə ehtiyac var 

Əksinə, səhiyyə sistəminə ikili idarəetmənin tətbiqi ölkə vətəndaşlarının ciddi narazılığına səbəb oldu, sistemsizliyi bir az da pozdu. Bu vəziyyət isə bölgələrdə həkimlərin kütləvi narazılıqları ilə müşayiət olundu. Hakim dairələr “səhiyyənin inkişafından” danışdığı bir vaxtda xəstəxanalara təyin olunan baş həkimlərin 80%-i təsadüfi şəxslərdən təşkil olundu.

Məsələn, Ağstafa rayonunda az-çox səhiyyə adında nə var idisə, Ramin Bayramlının “Ağstafa rayon Mərkəzi Xəstəxanası Publik Hüquqi Şəxs”ə İlham Sofiyevi baş həkim təyin etməsi orada səhiyyə adında olan-qalan xətir-hörməti də aradan qaldırdı. Hazırda oradakı vəziyyəti əhatəli şəkildə ictimayyətə çatdırmaq üçün böyük həcmli bir neçə məqalə yazmaq lazım gəlir. İndiki halda isə xəstələr üçün orada ən çox narahatedici sahə “Ağstafa rayon Mərkəzi Xəstəxanası Publik Hüquqi Şəxs”in təcili tibbi yardım şöbəsidir.

 Çağırışlara vaxtında gedə bilməyən, müəyyən tibbi avadanlıqları çatışmayan, xəstələrə yaxşı halda analgin-dimedrol vurmaqla kifayətlənən təcili tibbi yardım şöbəsində gənc həkimlərə, tibb bacılarına ehtiyac duyulur. Evdə qalıb nəvələri ilə oynamalı olan, yaşı 70-i ötən Adil Əmrahov kimi həkim və tibb bacıları ilə Ağstafa rayon təcili tibbi yardım şöbəsində hansısa irəliləyişə nail olmağın mümkünsüz olmasını kənardan müşayiət etmək belə yetərlidir. Bu kimi çatışmazlıqları aradan qaldırıb, narazılıqları minimuma endirmək üçün isə İlham Sofiyev kimi baş həkimlərin yenidən qiymətləndirilməsinə ehtiyac duyulur.

Firuddin Oruc

Faktinfo.az