AYB-də döyülən şair təkrar tibbi ekspertizadan keçiriləcək –Fəzail Böyükkişinin aldığı xəsarətləri kim gizlədib? 

Xatırladaq ki, yazıçı ilə AYB rəhbərliyi arasında qalmaqal artıq bir ilə yaxındır davam edir. 2017-ci ilin mart ayında 60 yaşı tamam olmuş şair F. İsmayıl Böyükkişi prezident təqaüdü alması üçün AYB sədri Anara müraciət edib. Qalmaqal da bu zaman başlayıb. Öz müraciətini rəhbərliyə təqdim etmək üçün AYB-nin binasına gələn şairı Anarın müşaviri Rauf Aslanov qarşılayıb. F.İ.Böyükkişinin  sözlərinə görə, müraciətin qəbuluna imkan verməyən R. Aslanovla mübahisəsi yaranıb və nəticədə, Anarın müşaviri ona ağır bədən xəsarəti yetirib.

Sayta müraciət edən şairin sözlərinə görə, ötən ilin martında AYB-dəki üzləşdiyi zorakılıqdan sonra 1 sayılı Bakı şəhər xəstəxanasına müraciət edib. Xəstəxananın  neyrocərahiyyə şöbəsinin verdiyi ekiprizdə F.İsmayılın xəsarət alması təsdiq olunub.  O, bu ekiprizi Səbayıl rayon məhkəmə -tibbi ekpertizasının sədri Xəlil Abdullayevə  təqdim edib. X.Abdullayev  ekipriz əsasında onu müayinə edərək şairin aldığı xəsarətləri təsdiq edib. Həkim öz şair həmkarını əmin edib ki, bütün xəsarətlərin əks olunduğu rəyi imzalayacaq.

F.İsmayılın sözlərinə görə, amma bir gün sonra kimlərinsə təsiri ilə X.Abdullayev fikrini dəyişib və şairin heç bir xəsarət almadığı barədə rəy yazıb. Daha sonra sənədi Səbail rayon 39-cu polis bölməsinə göndərib.

“Halbuki, 1 saylı xəstəxanının neyrocərahiyyə şöbəsindən verilən ekiprizdə xəstədə iki ön dişin sınması, gözaltı şiş, alın, ənsə və təpə nahiyəsində göyərmələr və qançır kimi xəsarətlər göstərilib. Bundan savayı komputer tomoqrafiyası və MRT müayinələri əsasında məndə insult diqanozu təsdiq edilib"- deyə F.İsmayıl Böyükkişi bildirib.

F.İ.Böyükkişi  hadisədən sonra iki dəfə 5 saylı xəstəxananın nevrologiya şöbəsində uzun müddətli müalicə alıb, aylarla poliklinika şəraitində həkim nəzarətində olub. Qeyd edək ki, insult ən ağır diaqnoz sayılır. Hüquqi müstəvidə  isə xəstə 22 gün həkim nəzarətində olursa, bu ən ağır xəsarət sayılır.

Səhhəti bir qədər düzələn F.İsmayıl bütün bunlara aydınlıq gətirmək üçün 2018-ci ilin fevral ayında Respublika Məhkəmə- Tibbi Ekspertizasının sədri, professor Ədalət Həsənovun qəbulunda olub,  AYB-dəki  hadisədən sonra xəsarət almasını subut edən ekipizləri göstərib və Səbayıl rayon rayon məhkəmə -tibbi ekpertizasının sədri Xəlil Abdullayevin əməli barədə şikayət edib.  

Şairi dinləyən Respublika Məhkəmə- Tibbi Ekspertizasının sədri Ə. Həsənov deyib ki, Fəzail İsmayıl Böyükkişi təkrar məhkəmə –  tibbi ekspertizadan keçməlidir.  O, bu işdə nöqsana yol verən X.Abdullayev barədə ölçü götürüləcəyini vurğulayıb. F.Böyükkişi təkrar məhkəmə -tibbi ekspretizadan  keçmək üçün Səbail rayon 39-cu polis bölməsinə müraciət edib.  “Mən nəhayət ki, haqq-ədalətin bərpa olunacağına və bu işə ədalətlə baxılacağına ümid edirəm”-deyə o, bildirib. 

Faktinfo.az