Elmar Vəliyevin gücü dövlətə xidmətlə ölçülür 

 Bu 7 gün əslində özünü dərk edən, dövlətinin və onun səlahiyyətli nümüyəndəsinin yanında olan hər kəs üçün ağır və sıxıntılı oldu. Bir yandan İcra başçısına edilən terror, digər tərəfdən isə terroru törədən bir soyuqqanlı qatilin, cinayətkarın sosial şəbəkələrdə və bəzi multİmedia vasitələrində az qala qəhrəman kimi təqdim edilməsi çaşdırıcı olduğu qədər də ikrah doğuran idi. Hadisənin mahiyyətini bilməyən və ya bilmək istəməyənlər ağızlarına nə gəldi yazdılar. Hətta həqiqəti deyənləri söydülər belə, təhqir etdilər. Millət vəkili, iqtidar yönümlü partiya sədri Fəzail Ağamalı da söyənlər, terroristi qəhrəman edənlər arasında yer aldı və bu da heç cür başa düşülən deyildi.

Söysünlər bacardıqları qədər. Reallıq isə Gəncə kimi möhtəşəm şəhərin başçısının və xidmətdə olan polis nəfəri Qasım Aşpazovun həyatına qəsdə hesablanan güllələrin atılması oldu. Məlum hadisəyə dövlətin güc qurumlarının rəsmi açıqlamasından sonra demək olar şəhərin bütün kollektivləri hərəkətə keçdi, terroru pislədi və dövlətin  yanında olduqlarını bildirdilər. Amma iyulun 3-dən heç bir rəsmi açıqlama olmadan da şəhərini və dövlətini sevənlər bu hadisəni terror adlandırdı və cinayətin açlmasını tələb etdilər. Eyni zamanda prezident İlham Əliyevin tapşırıq və qayğısı ilə möhtəşəm bir Gəncə quran Elmar Vəliyevə tuşlanan güllənin dövlətə atıldığını dedilər. Kütləvi şəkildə terrora qarşı fikirlər Gəncədə daha çox səslənməyə, sosial şəbəkələrdə görünməyə başladı.

Bəs Elmar Vəliyevin doğma bildiyi və uzun müddət İcra Başçısı olduğu yevlaxlılar hansı mövqeni seçdi və hadisəyə münasibəti necə oldu? Bu barədə bir az sonra. İndi isə Yevlax sakinlərinin narahatlığını deyən Şərif Məmmədov barədə bir neçə kəlmə demək yerinə düşər. Şərif gəncdir. Həyata baxışında, dövlətə sədaqətində digər həmyaşıdlarından fərqli düşünür, vətənpərvərliyi ilə seçilir. Yevlaxa getmə, əhali ilə görüşmə təklifi də ondan gəldi və 75 kilometrlik yolu birgə getdik. Yol boyu onun söhbətlərindən, hadisəyə yanaşmasından çox təsirləndim və hesab etdim ki, indi dövlətinə sədaqətli gənclər yetişir və onlar terrorun qarşısının alınması üçün nə gərəkirsə edə bilərlər. Öz düşüncə tərzinə uyğun hadisəyə münasibət bildirən Şərif Məmmədov əslində çox haqqlı idi.

Beləcə, söz-sözə, fikir-fikirə calandı və biz Yevlaxa çatdıq. Əvvəlcə regionda tanınan din xadimi Seyid Əli Ağa Qarabağlı ilə görüşdük. Onu da səmimi deyim ki, bu görüşlərin heç biri əvvəldən hazırlanmamışdı. Seyid, Bərdənin Qərəmanlı kəndindən olsa da Yevlaxla çox səmimi əlaqələri var və onun hörmətini burda da əziz tuturlar. Qarabağın məşhur Seyidlərindən Hacı Seyid Manaf Ağanın nəvəsi, Seyid Ələsgər Ağanın oğlu olan bu din adamı olduqca səmimi danışdı və mənə məlum olmayan bir neçə məsələ açıqladı. Dedi ki, “Elmar Vəliyev heç vaxt dinin əlehinə olmayıb və Bərdədə mənim yaşadığım kəndəki həyətimdə böyük bir məscid tikdirib. Bununla yanaşı o, Seyid Yusif Ağanın ruhuna hörmət olaraq onun türbəsini inşaa etdirib və həmişə də inancına və inanclılara hörmətlə yanaşıb. Elmar Vəliyev dini təriqətlərə bölən və bundan dövlət əlehinə istfadə edənlərin qarşısında olub. Dinə şüurlu yanaşanlara isə həmişə

dayaq olub, problemlərini həll edib. Seyid həm də prezident yanında dini təriqətlərlə bağlı araşdırma mərkəzinin yaradanıdır və bu istiqamətdə apardığı işlərdə də Elmar Vəliyevin dəstəyinə söykənib, İslam dininə xələl gətirənlərə ciddi olub. Sağlam din onun üçün olduqca dəyərli idi. Bütün müsəlmanlar kimi o da orucunu tutub, qurbanlarını kəsib. Elmar Vəliyev necə məscid bağaltdıra bilərdi ki, özü məscid tikdirirdi. Yəni, bunlar mənim tanıdığım, dininə şüurlu yanaşan və böyük intellekt sahibi Elmar Vəliyev və din ziddiyyətləri kimi deyilənlərə münasibətimdir. Elə Yevlax məscidi də onun rəhbərlik dövründə tikildi”. Bütün bunlarla yanaşı o biz din adamlarının hazırladığı “21-ci əsrin İlhamçıları” kitabının çapına da böyük kömək göstərdi.

İsrail Qorçuyev isə təqaüdçüdür və 52 il iş stajına sahibdir. 45 il rəhbər orqanlarda çalışıb. Hadisəyə münasibətində də inandırıcıdır. Onun dediklərindən: “Terroror, sui-qəsd bağışlanmaz cinayətdir. Qısası, bu gülə təkcə ona deyi, mənə görə dövlətə atıldı. Elmar Vəliyev özünə hörmətlə yanaşan, işinə tələbkar vəzifə sahibidir. Regionun inkişafı Yevlaxdan başladı desəm yanılmaram. Dövlətdən vəsait gözləmədən çox orjinal Dədə Qorqud parkı yaratdı, stadion tikdirdi. Yevlaxda yaşıllığı qorumaq üçün Kür çayından su çəkdirdi. Yəni, Yevlaxda heç kimin təsəvvür etmədiyi işlər həyata keçirtdi. Onun gördüyü işləri heç nə ilə müqayisə etmək olmaz. Deyərdim ki, o, Yevlaxda 1 idə 5 ilə bərabər işlər gördü. Ən önəmlisi Yevlaxda fəaliyyəti dönəmində hər gün görülən işlərin hesabatını dinlədi və quruculuğa daha operativ yanaşmanın yollarını tapdı. Bu insan mən deyərdim tikib qurmaq və bundan zövq almaq üçün doğulub.”

Daha bir həmsöhbəti-Mehriban Məcnunova-Yevlaxdakı 8 saylı məktəbin direktorudu. Yevlaxda təhsilin inkişafını yaradılan şəraitdə görən bu xanım baş verən hadisəni ürək ağrısı ilə qarşıladığını söylədi və dedi ki, “Yevlax təhsili ömrünün ən gözəl illərini məhz Elmar Vəliyevin rəhbərlik dövründə yaşayıb. Ölkə prezidentinin hər tapşırığına çox həssas və operativ yanaşan bu insan rayondakı bütün məktəbləri yenidən qurdu, gecəli-gündüzlü təmir aparılan məktəblərdə olu. Ən elementar görünən işlərin hamısını nəzarətdə saxladı. Nəticədə Yevlaxda bir dənə olsun təmirsiz məktəb qalmadı. Məzunlara və tələbə adı qazananlara xüsusi qayğı ilə yanaşırdı və onları gələcəyin kadr bazası hesab edirdi. Hərbi təyinatlı kadr hazırlanmasına isə daha çox maraqlı idi. Onun apardığı çox iclaslarda olmuşam. Bir dəfə də olsun kimisə təhqir etdiyini görməmişəm. O, hərtərəfli adam idi. Qurduqlarından zövq alırdı və daha həvəslə başqa bir laynənin gerçəkləşməsinə çalışırdı. Ən önəmlisi, Elmar müəllim elin şad günündə də kədərində də insanların yanında idi. Biz onu çox istəyirik.”

Yevlaxda çox adamla görüşdüm, söhbət apardım. Elə bir insan olmadı ki, onun haqqında mənfi fikir söyləsin. Hamı Uca Allahdan ona şəfa diləyir, tezliklə işinin başına dönməsini arzulayırdı. Və bu müsahibələrdən də aydın oldu ki, Elmar Vəliyevin gücü dövlətinə sədaqətində, elinə sevgisindədir. Belə sədaqət və sevgi sahibləri isə hər zaman hörmətlə anılır.

Qalib Rəhimli,

Gəncə-Yevlax