Gömrükdə daha bir rüşvət faktı - DGK məlumatı təkzib etdi

Belə şikayətlərdən biri bu günlərdə vətəndaş Paşayev Fəxrəddin Çoban oğlu tərəfindən Qaynarinfo.az-a  ünvanlanıb.

Fəxrəddin Paşayev bildirib ki, mayın 1-də Gürcüstandan alınan “Ford Fusion” avtomobilinin rəsmi qeydiyyatı üçün ondan 902 manat rüşvət alınıb. Belə ki, buraxılış ili 2013 olan avtomobili 5500 dollara alan vətəndaş DGK-nin rəsmi internet saytından “Xaricdən Azərbaycana gətirilən minik avtomobillərinin gömrük rüsumunun hesablanması cədvəli”ndə sözügedən maşının 4461,90 manat rüsum haqqı olduğunu hesabladığını deyir.
Lakin avtomobil gömrükdən keçərkən Abbas adlı komitə işçisi ondan 5295 manat tələb edir. Vətəndaş haqqını müdafiə etməyə çalışsa da, bacarmır və kassaya tələb olunan məbləği ödəmək üçün yaxınlaşdıqda 68 manat da vergi haqqı ilə qarşılaşır. Şikayətçi tələb olunan bütün məbləğləri ödəsə də, məsələnin ictimailəşdirilməsini və bu kimi halların aradan qaldırılmasını tələb etdiyini bildirir. 

DGK-ın yaydığı  məlumatda isə bildirilir ki, gömrük əməliyyatları zamanı nəzərdə tutulan bütün ödənişlər dövlət büdcəsinə köçürülərək bu barədə həmin şəxsə qəbzlər verildiyindən hər hansı qeyri-qanuni ödəmələrdən söhbət gedə bilməz: “Üstəlik vəsaitin birbaşa dövlət büdcəsinə ödənildiyi yazıda da öz əksini tapıb. Dövlət büdcəsinə ödənilən vəsaitin “rüşvət” kimi qələmə verilməsi onu deməyə əsas verir ki, yazı sifariş xarakterlidir və məqsəd gömrük orqanlarına qarşı qərəz, böhtan xarakterli məlumatlar yaymaqdır”.