Koha Avtomatlaşdırılmış Kitabxana-İdarəetmə Sistemində işin təkmilləşdirilməsi məqsədilə Türkiyəli mütəxəssislərin regionlardakı təlimləri davam edir - FOTO

Faktinfo.az xəbər verir ki,20 dekabr tarixində Koha Avtomatlaşdırılmış Kitabxana-İdarəetmə Sistemində bölgələr üzrə görülən işlərin təkmilləşdirilməsi məqsədilə Azərbaycan Milli Kitabxanası tərəfindən dəvət olunan Türkiyəli mütəxəssislər - Türkiyə Cümhuriyyəti Mədəniyyət və Turizm Nazirliyinin Kitabxanalar və Yayımlar Baş İdarəsinin Texniki Xidmətlər şöbəsinin müdiri Hülya Dirican, şöbənin əməkdaşları Fərhad Öztürk və İsmail Karaca Quba-Xaçmaz Regional Mədəniyyət İdarəsinin tabeliyində olan Xaçmaz, Quba, Qusar, Siyəzən, Şabran rayon Mərkəzləşdirilmiş Kitabxana Sistemlərinin əməkdaşları üçün Quba Rayon Mərkəzləşdirilmiş Kitabxana Sisteminin Mərkəzi Kitabxanasında təlim keçiblər.

Təlimdə Koha Avtomatlaşdırılmış Kitabxana-İdarəetmə Sistemində texnoloji irəliləyişlər və təkmilləşdirmələr ilə bağlı fikir mübadiləsi aparılıb, iş prosesinin daha sürətli və effektivliyinin artırılması üzrə metodlar izah edilib.