Laçının keçmiş icra başçısı Akif Səlimovdan olunan "şikayət"ləri Aqil Nəzərli təşkil edirmiş 

Növbəti şikayət rayonun Kalafalıq kəndindən məcburi köçkün İbrahimov Alqulu Şavağat oğlu tərəfindən ünvanlanıb.

Ölkə başçısına, I vitse-prezidentə və hüquq-mühafizə orqanları rəhbərlərinə müraciət edən A.İbrahimovun sözlərinə görə, YAP üzvüdür və Taxtakörpü qəsəbəsində məskunlaşıb.

“Müraciətimin səbəbi icra başçısı Aqil Nəzərli tərəfindən məni və ailə üzvlərimi həbslə təhdid etməsidir. Nəzərlinin qardaşı Müqabil Nəzərli mənim feysbuk səhifəmdən istifadə edib.

Adımdan 2013-2016-cı illərdə Laçın RİH-nin başçısı işləmiş Akif Səlimov barəsində şantaj dolu yazılar yazmış və nəticədə qarşı tərəf məni məhkəməyə vermişdi.

Müqabil Nəzərli daim mənim yanıma gələrək Akif Səlimovdan və idarə müdirlərindən ərizə yazmağı təkid edirdi.

Müqabil Nəzərli açıq şəkildə bildirirdi ki, yuxarılara biz şantaj dolu ərizələr yazmalıyıq ki, qardaşı Aqil Nəzərli Laçın Rayonuna İcra Başçısı gəlsin.

Həmin dövrdə Aqil Nəzərli YAP-ın Laçın rayon təşkilatının sədri, eyni zamanda RİH-nin müavini vəzifəsində çalışırdı”.

Müraciətdə bildirilir ki, M.Nəzərli onun telefonuna müdirlərin və Akif Səlimovun adamlarının səsini yazdırmaq üçün şantaj etmək məqsədi ilə proqramlar yazdırıb:

“Hətta bir dəfə M Nəzərli A.Səlimovdan ərizə yazmaq ücün mənim yanıma gələndə ona məxsus 21031 markalı minik maşını qəflətən alovlandı, ətrafdakı insanların köməyi ilə alovun qarşısı alındı.

Həmin anda M.Nəzərli özü etiraf etdi ki, biz A.Səlimova qarşı haqsız iş görürük ona görə maşın alışıb yanır.

Həmin dövrdə Lacın Rayon Mədəniyyət Şöbəsinin müdiri işləyən Yusif Hüseynovun səsinin yazdırılmasını Müqabil Nəzərli təşkil etmişdir”.

 A.Nəzərli bu cür çirkin işlər və kampaniya aparmaqla sələfini yıxmağa və yerinə keçməyə nail olub.

Məktubda əlavə edilir ki, hazırda Laçın RİH-nin başçısı işləyən Aqil Nəzərlinin qardaşı Müqabil Nəzərlinin onun adından A.Səlimovu şantaj etməsinə görə Laçın Rayon Məhkəməsi tərəfindən 2800 manat cərimələnib.

“Məhkəmə ərəfəsində Aqil Nəzərli qardaşı Müqabil Nəzərli və atasını mənim yanıma göndərərək onların adlarının çəkilməməsini xahiş etmişdi.

İcra Başcısı təyin olunandan sonra Aqil Nəzərli məni otağına çağıraraq mənə təklif etdi ki, sən mətbuata yaz ki, Akif Səlimov Lacın Rayonuna İcra Başcısı təyin olunanda guya Ermənistanla telefonla danışıb. Bildirirəm ki, bu fikirlər hörmətli Aqil Nəzərliyə məxsusdur.

Eyni zamanda Aqil Nəzərli məni qəbul edəndə o, Laçın rayonunda üç ildən artıq icra başcısı işləməyəcəyini, ” hesabı” verib başqa rayona icra başcısı gedəcəyini bildirdi.

Mənə İcra Hakimiyyətinin Xeyriyyə Fondundan hər ay 150 manat verməklə məhkəmənin hökmü ilə verilmiş 2800 manat cərimənin ödənməsi ücün Aqil Nəzərli kömək edəcəyini bildirdi.

İcra Başcısı A.Nəzərli bildirdi ki, 10-15 ildirdi işləyən idarə müdirləri var, onlarla işləmək istəmir, ona görə də həmin müdirlərdən şantaj dolu ərizələr yazmasını mənə tapşırsa da etirazımı bildirdim.

Təbii ki, köhnə müdirləri çixarıb rüşvət müqabilində yeni müdirlər təyin etmək istəyirdi. Bütün bunları bildirməkdə məqsədim İcra Başcısı işləyən şəxsin vəzifəyə gəlmək ücün hansı işlərlə məşğul olduğunu göstərməkdir.

Bu gün hörmətli A.Nəzərlinin təyin etdiyi Təhsil Şöbəsinin müdiri Nicat Həsənov övladlarımızın təhsil aldığı məktəblərdən aylıq yığır. Baş həkim Güllü İbadova sağlamlığımızın keşiyində duran tibb işçilərindən pul yığır.

Aqil Nəzərli və dövlət işində heç vaxt işləməmiş Dövlət İdarəetmə Akademiyasında guya təhsil alan Müqabil Nəzərli hərbi xidmətdə olmamışdı”,-deyə bildirib.

Bu məktublardan çıxan nəticə ondan ibarətdir ki, A.Nəzərli rəsmən ifşa olunub. Onun haqqında ölkə rəhbərliyinə gedən dosye artıq vəzifəsindən qovulmasına zəmin yaradır.

A.Nəzərli məcburi köçkünləri incidir, jurnalistlər təzyiq edir. Onun hərbi xidmətdə olmadığı da isbata yetirilib.

RİH-nin sabiq şöbə müdiri Füzuli Tanirverdiyev də onu ifşa edib. Eləcə də  A .İbrahimov indi onu faş elədi.

Prezident və I vitse-prezident bu məsələlərdən xəbərdar olanda artıq Laçın kimi bir rayona daha normal məmur təyin edəcək. RİH-nin mövqeyini dərc etməyə hazırıq. /Fia.az/