Məvacibi ilə milyarder olan Zakir Fərəcov və biçarə sahibkarlar... - İTTİHAM

Qeyd edək ki, Azərbaycan reallığı üçün yüksək səviyyəli məmurların milyardları əhaqtə edən mal və mülklərinin olması heç kimə sirr deyil və bu sərvətin də məhz rüşvət və korrupsiya yolu ilə, daha çox isə büdcə vəsaitlərinin talan edilməsi və səlahiyyətlərdən sui-istifadə yolu ilə qazanıldığınıda hamı bilir. Hər həftə bir neçə məmurun ölkə xaricində milyonlarının olması ilə bağlı məlumatları da artıq adi hal kimi qəbul edirik. Qeyri-adi hal isə əlaqədar qurumların bu qədər sərvətə malik olan məmyrların bu pulları necə qazanması ilə bağlı araşdırma aparmamasıdır.

Bu ilin əvvəlindən bir neçə icra başçısının və nazir müavinin həbsinə şahid olsaq da, bu prosses ölkədə məmur özbaşınalığını dayandırmır. Bəlkə də ona görə ki, məmurların hətta həbsxanada belə adi insanlardan qat-qat yaxşı səviyyədə yaşayacaqlarına inandıqları üçün məmurlar öz özbaşınalıqlarını davam etdirirlər.

Bu gün əhaliyə zülm edən, ədalətsizliyi ərşə dirəyən məmurlar təkcə həbs olunan icra başçıları deyil. Minlərlə məmur məhz öz “çörək pulunu” yəni milyonlarını, ya da milyardlarını bu yolla qazanırlar. Məhz zülmü və ədalətsizliyi ərşə dayayaraq...

Əhaliyə zülm edən məmurlar arasında isə Sumqayıtın icra başçısı Zakir Fərəcov ilk sıralarda yer alır. Bunu Sumqayıtda baş verənlər və əhalinin, o cümlədən sahibkarların başına gətirilən oyunlar da açıq şəkildə ortaya qoyur. Sahibkarlardan söz düşmükən, 4 ilə yaxındır ki, bir qrup sahibkar Zakir Fərəcovdan halal pullarını ala bilmirlər. Sumqayıt bulvarını ən yüksək səviyyədə inşa edib vaxtında təhvil verən bu sahibkarlar yumşaq desək, sadəcə Zakir Fərəcov tərəfindən dolandırılıblar. Zakir Fərəcovun onların pullarını sadəcə cibinə qoyması ucbatından müflis olan bu sahibkarların müraciət etmədikləri yer, dövlət qurumu və instansiyası qalmayıb. Bütün səviyyələrdə şikayətlərini edən sahibkarlar hələ də ədalətin bərpa edilələcəyini və Zakir Fərəcovun cəzalandırılacağına ümid edirlər. Lakin bu baş vermir. Baş verməməyi bir yana, Zakir Fərəcov hər dəfə sahibkarların milyonlarını geri qaytaracağı ilə bağlı söz versə də bu söz yerinə gətirilmir. Yəni Zakir Fərəcov dolandırdığı sahibkarları yola verdiyi kimi, yüksək hakimiyyət dairələrini də aldatmaqda davam edir.

Halbuki Zakir Fərəcovun ölkə mətbuatında yayımlanan mal və sərvəti tamahına sahib çıxa bilməyib biçarə sahibkar və fəhlələrdən mənimsədiyi pulları geri qaytarmaq üçün qat-qat kifayətdir. Sumqayıtın icra başçısının mal və mülklərinin siyahısını təqdim edirik və qeyd etməliyik ki, bu sərvət Zakir Fərəcovun varidatının ancaq bir hissəsi, daha doğrusu aysberqin görünən tərəfidir.

Buyurun, Fərəcovlar ailəsinin biznes imperiyası ilə tanış olun:

RESTORAN və OBYEKTLƏR:

Sumqayıtda “Şahənə” şadıq sarayı
Novxanıda dəniz kənarında “Kalyon” restoranı
Yeni Bulvar ərazisində “Dəniz”restoranı
Sumqayıtın girişində OS- OİL
Sumqayıtda “İST” petrol (50% onundur)
Sumqayıtda “Səda Store”
13-cü mikr-da “Qold Qayalı” super ticarət şəbəkəsi (50% şərik)
Sumqayıt bulvarına bitişik yaşayış massivi
Kuşadasında “Norf” adı altında “Bistro” kafesi, sushi və balıq restoranı
Sumqayıtın 44-cü məhəlləsində “NORF” adlı şirəli içkilər istehsalı
Türkiyədə eyni, NORF markalı içkilərin istehsalı
Qızının idarə etdiyi “UVENTA” gözəllik salonu, eyni adlı estetik mərkəzi
“Kimyaçılar” sarayı qarşısındakı “Zəfəran” restoranı

MƏNZİL və VİLLALAR:

Qurd dərəsi və Novxanı bağlarında 6 villası
Corat kəndində 1 villası
İzmirin Kuşadasında villası
Sumqayıt 29-cu MƏH., ev 17/18, mən 6 ünvanında mənzil
Binəqədi rayonu, Musabəyov küç. 20 ünvanında mənzil
Sumqayıtın 21-ci mikrorayonunda qızlarına məxsus 3 villa
Novxanıda hektarlarla bağ sahəsi
Zakir həm də tikinti maqnatıdır. Saray kəndi ilə Sumqayıt körpüsünə qədər olan yeni yaşayış massivi onundur.

ŞİRKƏTLƏR:

“Əsnayə MMC“ şirkəti (kürəkəni Əkrəmindir)
“LC-2008 MMC“ şirkəti (kürəkəni Müşviqindir)
“RAMİL-2000“ Fərdi Firması (kürəkəni Müşviqindir)
“Ruslan-S” tikinti şirkəti (qardaşı oğlunundur)

Eyni zamanda bildirilir ki, Zakir Fərəcovun Türkiyədə, Avropada milyonları fırlanır. Zakir Fərəcovun daşınmaz əmlakı, ticarət şəbəkələri, restoran, şadlıq sarayları, özünə və övladlarına aid villalar, gizli şirə istehsalı müəsisələri, torpaq sahələri, mağazalar şəbəkəsi milyonlarla manata ölçülür.

Bəs sual olunur, bu sərvət və milyardlar nəylə qazanılıb? Zakir Fərəcovun maaşı ilə, yoxsa sahibkarlardan və dövlət büdcəsindən oğurlanan pullarla?.. (MilliYol.az)