Nəsimi rayonu 1 saylı körpələr evindən ərzaq belə daşınır -Sağa-sola baxaraq...

Faktinfo.az xəbər verir ki, körpələr evinin baş həkimi Nəhayət Əliyeva kriminal.az saytına açıqlamasında bundan öncə yayılan və körpələr evindən ərzaqların daşındığını əks etdirən görüntülərin yalan olduğunu, Aysunu məhkəməyə verəcəyini bildirmişdi. N.Əliyeva bildirmişdi ki, maşınla daşınan ərzaq deyil, yataq dəstləridir.

Aysen isə məhz ərzaq oğurlandığını təsdiqləmək üçün daha bir görüntü paylaşıb.

“İlk açıqlamada dedilər ki, xəstəxanalara yardım üçün aparılır. İndi deyirlər ki, dəsmaldır, yuduzdurub gətiririk. Axı o videoda açıq-aydın qutu-qutu açılmamış uşaq bezləri olduğunu hər kəs görür. Bu da ikinci video, bu da dəsmaldır? 

Gördüyünüz kimi, maşınla bazarlıq gəlir, sonra da sağa-sola baxaraq, bazarlıqlar çıxır, maşınlara doldurulur. Bakı şəhərində və regionlarda yerləşən körpələr evləri daim cənab Prezident İlham Əliyevin və Azərbaycanın Birinci xanımı, hörmətli Mehriban xanımın diqqət və qayğısı altındadır. Mən dəfələrlə şahidi olmuşam ki, Leyla Əliyeva tərəfindən hər ay yetərincə yardım olunur. İnanırma ki, dövlətimiz bu işi diqqətdə saxlayacaq”, - Aysun İsmayılova paylaşımında yazıb.

Qeyd edək ki, Aysun İsmayılova Bakıdakı 1 saylı körpələr evindən avtomobillə müxtəlif məhsulların və naməlum əşyaların daşınması ilə bağlı görüntülər paylaşmışdı. Bundan sonra körpələr evinin baş həkimi Nəhayət Əliyeva arpelin 26-da bacısı oğlu, qrossmeyster Rauf Məmmədovun doğum günü olduğunu və buna görə aprelin 27-də qurban kəsib tortla körpələr evinə gətirdiyini bildirib. 

Videodakı oğlanın isə xəstəxanada gecə gözətçisi işlədiyini və mayın 1-dən məzuniyyətə getdiyi üçün onun yatağını da bacısından maşınla aparmağı xahiş etdiyini bildirmişdi.