Ölkə istehsalı olan "Naz-Lifan" kənarda qalıb,universitet rəhbərliyi “Toyota Avalon” alır – Ölkədən 200.000 dollar çıxacaq

Tender 1 lot üzrə keçirilir:

lot 1 – Toyota Avalon

Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.
Müqaviləni yerinə yetirmək üçün tender iştirakçıları lazımi maliyyə və texniki imkanlarına malik olmalıdırlar.

Xatırladaq ki, Sumqayıt Dövlət Universitetində illik təhsil haqqı 1400-1800 manat arasındadır. Başqa sözlə, «Tayota Avalon»un alınması üçün 80-100 tələbənin ödədiyi təhsil haqqı qədər vəsait tələb olunur.

Tenderdə iştirak etmək istəyənlər lot üzrə aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Sumqayıt, məhəllə 43, Bakı 1 (Əlaqələndirici şəxs :Sofiyev Rafiq, telefon :(012) 448-44-56) ünvanından ala bilərlər .

İştirak haqqı
lot 1 – 150 manat

İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər:
Tenderdə iştirak etmək üçün yazılı müraciət;
Tenderdə iştirak haqqının ödənilməsi barədə bank sənədi;
Tender təklifi (zərflərin açıldığı tarixdən sonra ən azı 30 bank günü qüvvədə olmalıdır);
Tender təklifi dəyərinin 2 % -i həcmində bank təminatı (zərflərin açıldığı tarixdən sonra ən azı 60 bankgünü qüvvədə olmalıdır);
Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqandan arayış;
İddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
İddiaçının son bir ildəki maliyyə vəziyyəti haqqında bank arayışı;
İddiaçının tam adı hüquqi statusu, nizamnaməsi qeydiyyatdan keçdiyi ölkə və rekvizitləri;
İddiaçılar müvafiq mallar üzrə mənşə və uyğunluq sertifikatları;
Digər sənədlər: YOXDU

Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru «Dövlət satınalmaları haqqında» qanuna uyğun keçiriləcəkdir.
İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 2018-10-25 17:00 tarixinə qədər, tender təklifi və bank təminatını isə möhürlənmiş ikiqat zərfdə 2018-11-06 17:00qədər Sumqayıt, məhəllə 43, Bakı 1 ünvanına təqdim etməlidirlər.
Göstərilən vaxtdan gec təqdim olunmuş zərflər açılmadan geri qaytarılacaqdır.
İddiaçıların təklifləri 2018-11-07 14:00 tarixində Sumqayıt şəhər 43 məhəllə Bakı kücəsi 1 SDU-nun kiçik akt zalı ünvanında açılacaqdır.
İddiaçıların səlahiyyətli nümayəndələri iştirak edə bilərlər.

Faktinfo.az xatırladır ki,Dövlət başçısı  dəfələrlə Nazirlər Kabinetinin iclasında məmurlarmıza Naxçıvan Muxtar Respubilkasında istehsal olunan "NAZ-Lifan" avtomobillərindən istifadəni tövsiyə edib.Bunda məqsəd ölkədən çıxarılan valyuta axınının qarşısını almaqdır.Göründüyü kimi,ölkə rəhbərinin məlum tövsiyəsi bəzi səlahiyyətli şəxslərin,o cümlədən Sumqayıt Dövlət Universitetinin rektorunun  yadından çıxıb.

Faktinfo.az