Razim Məmmədov vəzifəsini itirə bilər
Xətai rayonunda ağac kəsilməsinə dair Ekoloğiya və Təbii Sərvətlər nazirliyinin “Qaynar xətt”inə Qaçaq Nəbi 9A ünvanından şikayətin daxil olmasını, nazirliyin araşdırıb faktla bağlı toplanmış materialları hüquqi qiymət verilməsi üçün Baş Prokurorluğa göndərməsi, bu rayonda digər ağac kəsilməsi faktları ilə də bağlı “Qaynar xətt”ə müraciət edilməsinə şərait yaradır.
Faktinfo.az xəbər verir ki, artıq Xətai rayonunun müxtəlif ərazilərində kəsilən ağaclarla bağlı əlavə şikayətlərin də olacağına dair ehtimallar artır. Daxil olan məlumatların araşdırılmasına biganə qalınmayacağı isə bəri başdan bəllidir. Bu halda, Ekoloğiya və Təbii Sərvətlər nazirliyinin əlavə faktları da hüquq-mühafizə orqanlarına göndərə biləcəyi belə ,istisna olunmur. Bütün bunlar isə Xətai rayonu İcra Hakimiyyətinin başçısı Razim Məmmədovu çıxılmaz vəziyyətə sala bilər.
Artıq ictimayyət hesab edir ki, icra hakimiyyətinin icazəsi olmadan heç kim ağac kəsib,tikinti işi apara bilməz. Əks təqdirdə tikinti dayandırılar, ağac kəsilməsi faktını icra hakimiyyətinin səlahiyyətli şəxsləri ictimailəşdirər,aidiyyatı qrumlar məlumatlandırılardı.
Hazırda, Xətai rayonunda ağac kəsilməsi ilə bağlı ictimailəşən bu və digər faktların fonunda Rayon İcra Hakimiyyətinin başçısı tutduğu postu itirə də bilər.
Faktinfo.az
Bu xəbər üçün şərh yazın