"Rəis satdırdığı boruları “yararsız” kimi aktlaşdırırdı..." - “Azəriqaz”da daha bir özbaşınalıq 

1992-ci ildən “Azəriqaz” İstehsalat Birliyində işləyən Babayeva Şəfaqət Məmməd qızı Yenicag.az-a müraciətində sözügedən qurumda baş verən qanunsuzluqlar və , özünə qarşı edilmiş haqsızlıqlara dair ilginc faktlar açıqlayıb.

Şəfaqət Babayeva 1992-ci ildən “Azəriqaz” İstehsalat Birliyi Nəsimi rayon Qaz İstismar İdarəsində 1992-ci ildə mühəndis kimi fəaliyyətə başlayıb. Babayeva bildirib ki, 2016-cı ildə “Azəriqaz” İstehsalat Birliyində Sayğaclar, Satış, İstismar departamentləri yaradılıb və elə həmin tarixdən də ona qarşı haqsızlıqlar başlayıb:

“O zaman insan resursları üzrə imtahan keçirildi və mən yüksək bal topladım. Əslində, bu nəticəyə uyğun olaraq, Sabunçuda işlə təmin edilməliydim. Bizdə o məsələlərin tənzimlənməsi ilə “Azəriqaz” İB-nin nəzdnində fəaliyyət gpstərən Bakı Regional Qaz İstismar Departementinin rəisi Zamin Mehrəliyev məşğul olurdu.

Zamin Mehrəiyev mənə dedi ki, səni ya Qaradağa, ya da Abşerona göndərəcəm.

Bununla razılaşmadıqda, mənə dedi ki, “əgər əl-ələ verib mənimlə və Natiqlə işləyəcəyəcəksənsə, səni Sabunçuya təyin edim”. Mən də cavabında “əl-ələ vermək deyəndə, nəyi nəzərdə tutusunuzsa, onu mənə izah edin, bilim, sonra başqa problem yaranmasın”, – dedim. Nəticədə o, məni Sabunçuya saxlamadı.

Lakin davamlı mübarizədən sonra, nəhayət, Sabunuda böyük mühəndis kimi qaldım. Zamin Mehrəiyev öz dayısı oğlu Natiq Mustafayevi Sabunçuya rəis təyin etdi. Onların yaxın qohum olduqlarını idarədə heç kim bilmirdi. İşlədyim müddətdə mənim cavabdeh olduğum əraziyə aid olan Zabrat, Ramana və Balaxanıda qeyri-qanuni işlərin görüldüyünü aşkar etdim. Xətlərin yerini qeyri-qanuni dəyişdirirdi, küçə xətlərini kəsdirib satdırırdı və sair. Rəis satdırdığı boruları “yararsız” kimi aktlaşdırırdı və həmin ərazilərdə boruların yenilənməsi üçün təkrar maliyyə ayrılırdı.

Natiq Mustafayevə dedim ki, mənim ərazimdə qeyri-qanuni işlər görməyin. Buna baxmayaraq, onlar mənə imzalamağım üçün müxtəlif sənədlər gətirirdilər. Buna etirazımı bildirib o sənədləri imzalamaqdan imtina etdikdə isə Zamin Mehrəiyev mənimlə prinsip aparmağa başladı.

Zamin Mehrəliyev məndən guya iş rejiminə əməl etməməyimlə bağlı “Azəriqaz” İstehsalat Birliyinə raport yazdı. Onun bu addımından sonra ölkə prezidentinə müraciət ünvanlayaraq, audit yoxlamasının keçirilməsini xahiş etdim. Audit Palatası yoxama aparandan sonra məlum oldu ki, qeyri-qanuni işlə mən yox, elə onların özləri məşğul olublar. Bundan sonra ölkə rəhbərliyinə və “Azəriqaz” İstehsalat Birliyinin sədrinə növbəti müraciətlərimi ünvanladım”.

Şəfaqət Babayevanın sözlərinə və təqdim etdiyi sənədlərə görə, aparılan bu yoxlamalardan sonra fəaliyyətində ciddi pozuntular aşkarlanan Natiq Mustafayev cəzalandırılıb:

2018-ci il oktyabrın 1-də “Azəriqaz” İstehsalat Birliyinin baş direktoru imzası ilə Natiq Mustafayev haqqında intizam tənbehi görülüb. 2019-cu il martın 13-də isə Şəfaqət Babayevanın təqdim etdiyi materiallarla bağlı araşdırma aparılıb və Natiq Mustafayev vəzifəsindən azad edilib.

Maraqlısı ondadır ki, işində nöqsanlar aşkar edilən və vəzifəsindən azad olunan Natiq Mustafayev daha yüksək vəzifəyə – 3 rayonu əhatə edən idarəyə rəis göndərilib. Şəfaqət Babayeva bildirib ki, bundan sonra Zamin Mehrəiyev tərəfindən ona qarşı təzyiqlər daha da artıb:

«Mənə qarşı edilən təzyiqlər üzündən xəstəlik tapdım və müalicə olunmaq üçün xəstəlik bülleteni götürdüm. 2019-cu il avqustun 7-də işə çıxdım. Ayın 9-da isə “Azəriqaz” İB-nin kadrlarl şöbəsindən Ofeliya xanım mənə zəng edib bildirdi ki, öz xoşunla işdən get, yoxsa başın ağrıyacaq.

Bu söhbətdən sonra həmin gün əsəb sarsıntısı keçirdim, hətta mənim üçün təcili yardım çağırıb xəstəxanaya apradılar. Ayın 14-də anju olundum. Mən xəstəxanada olduğum müddətdə, elə ayın 9-da işdən azad olunmuşam. Əmrdə də yazılıb ki, müqavilə müddəti bittiyi üçün işdən azad edilir.

Ancaq müqaviləmin bitmə tarixi 14.01.2020-ci ildir. Belə qanunsuzluq olar? Özü də, müqaviləmə xəstəxanada olarkən xitam verilib. Buradan ölkə rəhbərliyinə müraciət edərək, “Azəriqaz” İB-də baş verən özbaşınalıqları bir daha diqqətə çatdıraraq, bu qanunsuzluqların aradan qaldırılmasını xahiş edirəm”.