Ruslar ayağa qalxdı- Yanğında 400 nəfər ölüb

Axar.az xəbər verir ki, “Novaya qazeta” etiraz aksiyasının keçirilməsi ideyasının Kemerovodakı müxalifətçi, Ümumrusiya Xalq Cəbhəsinin üzvü Maksim Uçvatov tərəfindən təklif edildiyini yazıb. Etiraz aksiyasına 4000 nəfərdən çox insan qatılıb. Onlar “Korrupsiya öldürür”, “Biz hamımız bu zooparkda qapadılmışıq”, “Real qurbanlar nə qədərdir?” şüarları səsləndiriblər.

Bundan sonra yerli hökumətin istefasını tələb edən etirazçılar Rusiya Prezidenti Vladimir Putinin onların qarşısına çıxmasını istəyiblər. Etirazçıların qarşısına Kemerovo vilayətinin vitse-qubernatoru Sergey Sivilyev və qubernatorun köməkçi Vladimir Çernov çıxıb. Məmurlar etirazçıların suallarına onları qane edən cavab verə bilməyiblər.

Digər maraqlı məqam isə mitinqin koordinasiyasını yanğında bütün ailəsini itirən İqor Vostrikovun təşkil etməsidir. O, mitinq zamanı şəhər morqlarına gedərək, ölənlərin dəqiq sayının yoxlanılmasını təklif edib.

Qeyd edək ki, “Qış albalısı” ticarə mərkəzində yanğın baş verib. Yanğın nəticəsində rəsmi rəqəmlərə görə, 64 nəfər həlak olub. Yerli əhalinin fikrincə isə ölənlərin sayı 400 nəfərdən çoxdur. Əhali həmçinin hökuməti ticarət mərkəzində yanğının söndürülməsinə lazımi sayda qüvvə cəlb etməməkdə ittiham edib.