Şairin səhhəti pisləşdi- Fəzail İsmayıl Böyükkişi Gədəbəyə aparılır

Faktinfo.az-a  bu barədə şairin ailəsi məlumat verib.Sayta verilən  xəbərə görə,şairin vəziyyətinin ağırlaşmasına səbəb 17.03. 2017-ci il tarixində  Azərbaycan Yazıçılar Birliyi sədrinin müşaviri Rauf Aslanov tərəfindən döyülərkən aldığı xəsarətin  şiddətlənməsidir.

Onu da qeyd edək ki,bir müddət əvvəl AYB-nin inzibati binasında Rauf Aslanov tərəfindən  şair Fəzail İsmayıl Böyükkişinin döyülməsinə dair KİV-lərdə yazılar dərc edilmiş onun iki ön dişinin sınması ,insult keçirməsi,ağır bədən xəsarəti aldığı ilə bağlı   xəbər yayılmışdı. Bundan sonra  Səbail RPİ-nin 39-cu polis bölməsində təhqiqat araşdırması aparılmış və toplanmış material üzrə əməldə cinayət tərkibinin olmaması əsası ilə cinayət işinin başlanmasının rədd edilməsi haqqında qərar qəbul edilmişdir.

Verilən məlumatda o da bildirilir ki, F.İ. Böyükkişinin hüquq mühafizə orqanlarının rəhbərlərinə,o cümlədən Ombudsman Elmira Suleymanovaya ünvanladığı məktubdan sonra  həmin material öyrənilmiş,ərizə və izahatlarda göstərilən xüsusatlarin hərtərəfli,tam və obyektiv yoxlanılması məqsədilə qəbul edilmiş cinayət işinin başlanılmasının rədd edilməsi haqqında qərarın ləğv edilib əlavə araşdırmaya qaytarılması üçün Bakı Şəhər Prokurorluğu qarşısında təxminən üç ay əvvəl  vəsadət qaldırılıb.Lakin  bu qədər vaxt keçməsinə baxmayaraq F.İ.Böyükkişiyə heç bir məlumat verilməyib.

Faktinfo.az-a göndərilən tibbi sənəddən görünür ki, F.İ.Böyükkişi onda baş qaldırmış ağrılara görə 04.06.2018-ci ildən  08.06.2018-ci il tarixinədək Kliniki Tibbi Mərkəzdə müalicə də alıb.Ona təqdim olunan epiqrizdə qeyd olunur ki,Kazımov Fəzail İsmayıl oğlu (ədəbi təxəllüsü Fəzail İsmayıl Böyükkişi) beyin infarktından, o cümlədən Hipertoniya xəstəliyi 3-cü mərhələ ,sol tərəfli hipisindrom Diplopiya xəstəliyindən əziyyət çəkir.

Faktinfo.az

Lətafət Orucqızı

P.S. Onu da qeyd edək ki,şair-publisist Fəzail İsmayıl Böyükkişi tərəfindən  bir müddət əvvəl sayta digər  məlumatlar verilmişdi.Onun gizli nömrədən təhdid olunması, Rauf Aslanovun oğlu ilə bağlı AAK sədri Vəli Hüseynova müraciəti və digər məsələlərin araşdırma tələb  etdiyini nəzərə alıb hələlik  məlumat verə bilmirik.