“Sizi tərbiyə edəcəm” – Cavid Qurbanov mənə etimad göstərib

3 Saylı Ələt Yol sahəsindən Faktinfo.az-a verilən məlumata görə, Fazil Hüseynov yeni vəzifəsinə başlayar-başlamaz yol ustalarını, idarə heyətini öz təsir dairəsində saxlamağa üstünlük verib.Belə ki,o, tabeçiliyindəki işçilərlə “sizi tərbiyələndirəcəm”, “sizi əxlaqlandıracam”, “mən deyən olmalıdır”, “Cavid Qurbanov mənə etimad gösərib” kimi danışmağa başlayıb. Bir sözlə, 3 Saylı Ələt Yol sahəsinin yeni rəisinin fikirlərindən belə anlaşılıb ki, onun rəhbərliyinə qədər orada yol sahəsində çalışanlar tərbiyəsiz olublar ki, Cavid Qurbanov da Fəzail Hüseynova ona görə etimad göstərib ki, belə “problem”lərin aradan qaldırılmasını təmin etsin.

Yol ustalarını, idarə işçilərində ilk gündən narazılıq yaradan Fəzail Hüseynovun iclasa gecikən 62 yaşlı müavininə qarşı münasibəti də fərqli olub. Belə ki, o, müavinini iclasa gecikdiyinə görə ayağa qaldırıb,otuzdurub.Daha sonra onun çölə çıxmasını,jurnala edəcəyi qeydləri otaqdan kənarda  etməyi əmr edib. Təxminən, iki həftəyə yaxın  müddətində idarəyə rəis təyin olunan Fəzail Hüseynovun sərt anlaşılmaz mövqeyi səbəbindən yol fəhlələrindən birinin üzərinə təcili yardım maşını da gəlib.

Uzaq yol qətt edib 09:00-da işə gələn, saat 18:00-da işini bitirən işçilər artıq yeni rəisin tələbinə əsasən 08:00-da işdə olmalı, 17:00-da işdən azad olmalıdırlar.

Nəzərə alanda ki, əksər yol sahəsinin ustaları, idarə işçiləri uzaq məsafədə yaşayır, onların vəziyyətini təsəvvür etmək elə də çətin deyil.

Cavid Qurbanovun İnfrastruktur Departamentin 3 Saylı Ələt Yol Sahəsinə təyin etdiyi rəisin "istəkləri" bununla da yekunlaşmayıb. Məsələn o, hesab edir ki, ona verilməli olan gündəlik məlumat səhər saat 08:00-dan gec olmayaraq verilməlidir. Bu isə yol sahəsi ustalarını, idarə içşilərini olduqca çətin duruma salır, narazılıq yaradır. Amma hansısa səbəbdən Fəzail Hüseynov Şirvan şəhərindən gündəlik işə gələn  60 nəfər işçinin bir neçə saat işə gecikmələrinə bir söz demir.

Faktinfo.az-a verilən məlumatda o da bildirilir ki, Fəzail Hüseynov idarəetməni qışqırmaqla, işçilərin üzərində xof yaratmaqda bilib, onların barmaqlarını qıracağını dillərini kəsəcəyini deyir. Hətta bir az irəli gedərək , bütün qəbildən olan işçilərə boşqab, çəngəl, stəkan və digər məişət əşyalarını idarədə saxlamamalarını, gündəlik özləri ilə aparıb-gətirmələrini əmr edir,ənənəni pozur.Həmçinin, ilin sonu olmasına baxmayaraq, idarə heyyətinin “Azərbaycan Dəmir Yolları”QSC-yə gedib hesabatlarını verməyə maneələr yaradır.

“Arxamda durublar” – deyərək, kollektiv üzərində təsir dairəsini genişləndirəcəyini düşünən yeni rəis bir neçə imkansız işçini işdən çıxarmağı da düşünür. Belə ki, oğlu rəhmətə gedən, gəlini işləməyən, öhdəsində oğlunun 2 azyaşlı övladı olan xadimə Esmira Həsənova, həmçinin bir müddət əvvəl ölkə miqyasında işsizlərin sayının azaldılması məqsədilə tədbirlər planına uyğun olaraq  3 Saylı Ələt Yol Sahəsində özünə iş tapan, tələbə Nəcəfova Adilə də işdən çıxarıla bilər.

Məsələyə münasibət bildirən Fəzail Hüseynov haqqında deyilənlərin yanlış olduğunu,əvvəllər 3 saylı Ələt Yol sahəsində 09:00-da başlayıb,saat 18:00-da bitən iş saatının isə,hazırda 08:00-da başlayıb,17:00-da bitməsini özü  tətbiq etdiyini bildirdi. 

Onu da qeyd edək ki, Fəzail Hüseynov uzun illər 3 Saylı Ələt Yol Sahəsində fəhlə işləyib.İllər sonra adı saxta diplom satmaqda məşhur olan  "Təfəkkür" Universitetinin məzunu olub, oranı bitirib.

Faktinfo.az