Türkiyə PUA-ları yeni nəsil raketlərlə təchiz ediləcək 

Türkiyənin Pilotsuz Uçuş Aparatları (PUA) yeni nəsil, son texnologiyaların istifadəsi ilə ROKETSAN şirkəti tərəfindən istehsal edilən “Çakır” qanadlı raketlərlə təchiz ediləcək.

APA.az-ın yerli bürosunun xəbərinə görə, bu barədə Türkiyə Müdafiə Sənayesi İdarəsinin rəhbəri İsmayıl Dəmir bildirib.

O qeyd edib ki, raket tamamilə yerli texnologiyalardan istifadə olunaraq istehsal edilir.

Raketin bu il “Akıncı” PUA-sı vasitəsilə sınaq atəşi həyata keçiriləcək, tam şəkildə inteqrasiyası isə 2023-cü il üçün nəzərdə tutulub.