Türkiyənin zenit sistemləri Rusiyanın hücumlarını dəf edib 

Türkiyənin cari ilin əvvəlində PUA-larla mübarizə üçün kiçik miqdarda Ukraynaya tədarük etdiyi "Korkut" zenit sistemlərinin sınaqları keçirilib.

Axar.az xəbər verir ki,bu barədə "Middle East Eye" (MEE) nəşri mənbələrə istinadən məlumat yayıb.

Məlumata görə, sistemlər Ukraynada uğurla sınaqdan keçirilib və Kiyev əlavə komplekslərin alınmasında maraqlı olduğunu bildirib.

Adının çəkilməsini istəməyən ukraynalı rəsmi MEE-yə bildirib ki, "Korkut" Rusiyanın hücumlarının dəf edilməsində kifayət qədər yüksək səmərəlilik nümayiş etdirib. Onun sözlərinə görə, sistemin işində bəzi problemlər yaransa da, onları kiçik düzəlişlərlə aradan qaldırmaq mümkün olub.