![4 yumurta, bir çaynik çaya 40 manat aldılar-](https://www.faktinfo.az/uploads/posts/5fa4f259bff59256b8dddee5644e3fe6.jpeg)
4 yumurta, bir çaynik çaya 40 manat aldılar- Jurnalist açıqladı,budur turizim?
Masallıda istirahət mərkəzində jurnalist Yusif Məhəmmədoğlundan 4 yumurta, bir pendir və bir çaynik çaydan ibarət səhər yeməyinə 40 manat ödəniş tələb ediblər.
Bu barədə Yusif Məmmədoğlu özü qeyd edib. O bildirib ki, olay Masallı rayonunda yerləşən “Viləş Palas” istirahət mərkəzində yaşanıb.
“Masallı rayonunda yerləşən Viləş Palas MMC-də, yəni Viləş İstirahət Mərkəzində səhər yeməyi yedik. Şəkildə də gördüyünüz kimi, 4 yumurta (biri yeyilib) bir pendir və bir çaynik çaya 40 manat tələb etdilər. Hələ də utanmadan deyirlər ki, biz həyətə, yəni otelin binasından kənara səhər yeməyi vermirik. Yəni səhər yeməyini “Viləş”də ancaq oteldə qaldığın halda yeyə bilərsən. Baxın, səhvi biz eləmişik ki, həyətdə səhər yeməyi yemişik”, - jurnalist vurğulayıb.
İstirahət mərkəzindən bildiriblər ki, səhər yeməyi bir nəfər üçün 10 manatdır:
“Bizə bildirdilər ki, səhər yeməyi bir adam üçün 10 manat, uşaqlar üçün isə ödənişsizdir. Belədirsə, deməli, biz 10 manat ödəməli idik. Uşaqlar pulsuzdur axı! Sonra xidmətçidən soruşdum ki, bu stola qoyduğunuz yumurtanı biz 10 yerə bölüb on adama yesək, o zaman nə qədər ödəcəyik? Dedi, 100 manat. Bax, budur turizim”./Axar.az
![4 yumurta, bir çaynik çaya 40 manat aldılar-](https://www.faktinfo.az/uploads/posts/eca0b34710b7c77ce94e08b168098e8c.jpeg)
Bu xəbər üçün şərh yazın