Deputat Aqiyə Naxçıvanlı Oğuzda seçiciləri ilə növbəti görüşünü keçirib - FOTOLAR

Deputat qərərgahından Faktinfo.az saytına verilən məlumata görə,Milli Məclisin üzvü qəbul zamanı vətəndaşlara ölkənin inkişaf istiqamətləri,işğaldan azad olunmuş ərazilərdə aparılan çoxsaylı quruculuq işləri,insanların daha yaxşı yaşaması üçün həyata keçirilən möhtəşəm layihələr barədə də məlumat verib.Aqiyə Naxçıvanlı qəbul zamanı  ilk olaraq Oğuzlu şəhid ailələrinin üzvlərini qəbul edib və vətənimizin azadlığı uğrunda canlarını fəda edən, qəhrəmanlıq səlnaməsi yazan bütün şəhidlərimizə rəhmət diləyib,şəhid ailələrinə ALLAHDAN səbr arzulayıb. 

 Qəbulda şəhid Məhəbbət Paşayevin atası Vaqif Paşayev son zamanlar səhətində yaranan problemlərdən danışıb,bir neçə dəfə müxtəlif xəstəxanalarda müalicə almasına baxmayaraq bir nəticəsi olmadığını qeyd edib.O, deputat xanımdan  təyinatı üzrə müalicə alması üçün ixtisaslaşmış tibb müəissəsinə göndərilməsi üçün köməklik göstərilməsini xahiş edib.

 Digər seçici Elxan Məmmədov oğlunun hərbiçi olduğunu,18 il fasiləsiz döyüş bölgəsində gizir kimi xidmət etdiyini, hal-hazırda isə ehtiyata buraxıldığını bildirib.Onların qayğıları ilə yaxından maraqlanan deputat qaldırılan bir neçə məsələni nəzarətə götürüb,həlli istiqamətində tədbirlər görəcəyini də seçicinin diqqətinə çatdırıb.

Qəbula gələn digər vətəndaşların müraciətləri isə sosial-məişət problemlərini,sahibkarlıqla bağlı,işlə təminat və s. məsələləri əhatə edib.Müraciətlərin əksəriyyəti yerində həllini tapıb,digər qismi isə aidiyyatı üzrə müvafiq orqanlara yönləndirilib,icrası üçün işlərə başlanılıb.Görüşün yekununda seçicilər müraciətlərini daima diqqətdə saxladığına,onlarla mütəmadi görüşdüyünə görə deputata minnətdarlıqlarını bildiriblər.

Milli Məclisin üzvü seçicilərinə onu da bildirib ki,bu günlər ərzində Oğuzda şəhid ailələri və digər vətəndaşlarla da görüşlər keçirəcək.

Qeyd edək ki,noyabr ayının ilk günündə deputat Aqiyə Naxçıvanlı Oğuz-Qəbələ rayonlarında bir sıra tədbirlərdə də  iştirak edib.

 FAKTİNFO.AZ