Gömrük generalı saxlanıldı 

Baş prokuror yanında Korrupsiyaya qarşı Mübarizə Baş İdarəsi Dövlət Gömrük Komitəsinin Aksizli mallar İdarəsində əməliyyat keçirir.

 Qaynarinfo.az xəbər verir ki, Komitənin Aksizli Mallar üzrə Baş Gömrük İdarəsinin rəisi, general-leytenant Vəzir Həsənov saxlanılıb.

Qeyd edək ki, V.Həsənov 2022-ci ilin yanvar ayının 1-də general-polkovnik Səfər Mehdiyevin əmri ilə Sumqayıt Baş Gömrük İdarəsinin rəisi vəzifəsindən azad olunaraq, Aksizli Mallar üzrə Baş Gömrük İdarəsinin rəisi təyin edilib. 

Onun həbs olunub-olunmaması aparılacaq istintaq işindən sonra bilinəcək.