Qazaxda baş həkim koronanı belə yayır – Foto
Qazax Rayon Mərkəzi Xəstəxanasının baş həkimi Sevda Məmmədova xəstəxananın bütün lazımi avadanlıqla təchiz olunmasına baxmayaraq, koronavirus xəstələrini kompüter tomoqrafiyası üçün Qazax Diaqnostika Mərkəzinə göndərir.
Faktinfo.az xəbər verir ki,bu barədə Axar.az-a Diaqnostika Mərkəzində müalicə alan vətəndaşların ünvanladığı şikayət məktubunda qeyd edilib. Mərkəzin pasiyentləri iddia edirlər ki, koronavirusa yoluxmuş xəstələri Diaqnostikaya gətirən təcili yardım maşınları da tam dezinfeksiya edilmir.
Bundan başqa, koronavirusdan ölənlərin mərkəzi xəstəxananın morqu ola-ola Diaqnostika Mərkəzinin morquna göndərildiyi vurğulanıb. Məlumata görə, həmin meyitləri dəfn etmək üçün prosedura uyğun hazırlayan Qazax Rayon Mərkəzi Xəstəxanasının işçiləri iş bitdikdən sonra iş geyimlərini Diaqnostika Mərkəzinin həyətindəki zibil qablarına deyil, ətrafa atırlar. Mərkəzin pasiyentləri bildirirlər ki, Mərkəzi Xəstəxanasının hər bir şəraiti olmasına baxmayaraq, xəstələrin və virusdan ölənlərin qaydalara zidd şəkildə göndərilməsi rayon ərazisində virusun geniş yayılmasına səbəb ola bilər.
Məsələ ilə bağlı TƏBİB-in mətbuat xidmətindən saytımızın sorğusuna cavab olaraq bildirilib ki, sözügedən iddialarla bağlı artıq araşdırma aparılır.
Bu xəbər üçün şərh yazın