“AĞIR DÖYÜŞLƏR 2 HƏFTƏ DAVAM EDƏCƏK” – "Onların hücuma cəhd edəcəyi yeganə yer Donbassdır"

Hansı ki, bu, müharibənin növbəti fazasının taleyini həll edəcək. Bununla yanaşı, işğalçılar Zaporojye və Xerson istiqamətində də aktivliyi artırıblar".

Faktinfo.az AzPolitika.info-ya istinadla xəbər verir ki, bunu Ukrayna Prezident Ofisi rəhbərinin müşaviri, hərbi ekspert Aleksey Arestoviç bu gün mətbuata açıqlamasında bildirib.

Arestoviç deyib ki, işğalçı 6 istiqamətdə məğlubiyyətə uğradığından bütün gücünü Donbasa yönəldib: “Putin bu kampaniyaya 9 operativ istiqamətdən başlamışdı. İndi cəmi iki istiqamət qalır və bir də bir qədər Zaporojye və Xerson istiqaməti. 6 istiqamətdə onlar məğlubiyyətə uğrayıblar. Onların hücuma keçmək üçün qüvvələri qalmayıb”.

Ekspert bildirib ki, Rusiya demək olar bütün hərbi potensialını Ukraynaya cəmləşdirsə də, istəyinə nail ola bilmir: “Rusiya hazırda boşalıb, orada faktiki olaraq ordu yoxdur. Onların cəlb etdiyi 120 batalyondan 20-si tam məhv edilib. 40-a yaxını qismən döyüşə hazır vəziyyətdə deyil. Deməli, onlar 60 faizə yaxın itki veriblər. Onların hücuma cəhd edəcəyi yeganə yer Donbassdır”.

Xatırladaq ki, martın 29-da Rusiya Kiyev, eləcə də Çerniqov və Sumı istiqamətindən çəkildiyini bəyan edərək, əsas hədəfinin Donbas istiqaməti olacağını bildirmişdi.