Azərbaycan Dövlət Aqrar Universitetindən simvolik 1 rəqəmi- "Tələbələr günü 1 manata..."

Universitetin rektoru İbrahim Cəfərov 2009-cu ildən bu ali məktəbin aqrar universitet statusunda fəaliyyət göstərdiyini bildirib.

O qeyd edib ki, hər il universitetə 1300 nəfər qəbul olunur. İxtasasların təxminən 80 faizi dövlət sifarişlidir. Hazırda universitetdə 32 ixtisas üzrə tələbə qəbulu həyata keçirilir. Həmçinin, universitetində 350 nəfərdən artıq əcnəbi tələbə təhsil alır. Bu tələbələr 12 dövləti təmsil edirlər. Bunlar Türkiyə, İraq, Qazaxıstan, Afrika ölkələri, Qoşulmama Hərəkatına üzv ölkələrdən olan tələbələrdir.

Rektor bildirb ki, əvvəllər bu ali məktəbə maraq az idi. Lakin ölkədə aqrar sahə prioritet hesab olunandan, böyük fermer təsərrüfatları yaranandan sonra ADAU-ya maraq böyükdür:

“Son 5 ildə cənab prezident 3 dəfə Aqrar Universitetdə olub. Bizim tədris korpumuz nəinki MDB məkanında, Şərqi Avropada ən böyük tələbə korpuslarından biridir”.

Faktinfo.az xəbər verir ki,rektor tələbələrin universitetin tələbə yataqxanasında günü 1 manata qaldıqlarını deyib:

“Beləliklə, onların il ərzində qalma xərci 350 manatdır. Bu gün bizim 9 tədris korpusumuz var. Onlardan bir neçəsi universitetin kampusundan kənarda yerləşir. Bu gün Aqrar Universitetdə 4 tələbəyə bir kompüter düşür. Bir neçə il əvvəl Təhsil Nazirliyi tərəfindən açıqlanan statistikaya görə 28 tələbəyə bir kompüter düşürdü. Hazırda universitetdə 100-dən artıq ağıllı lövhə var”.

İbrahim Cəfərovun sözlərinə görə, ötən tədris ilində magistr qəbul planı 94, bakalavr qəbul planı 83-84 faiz faiz yerinə yetirilib. Xarici tələbələrin təhsil haqqı 2000 manatdır.

Faktinfo.az