"Azərkontrakt" ın əməkdaşları Türkiyədə zəlzələdən zərər çəkənlərə ianə edib 

Azərbaycan Respublikası Dövlət Kontrakt Korporasiyası "Azərkontrakt" Açıq Səhmdar Cəmiyyətinin əməkdaşları dövlətimizin və vətəndaşlarımızın dəstəyinə qoşularaq qardaş Türkiyədə baş vermiş zəlzələdən  zərər çəkənlərə yardım məqsədi ilə fərdi qaydada ianə edib.

Faktinfo.az xəbər verir ki,vəsait Türkiyə Daxili İşlər Nazirliyinin Təbii Fəlakət və Fövqəladə Hallar Agentliyinin (AFAD)  hesabına köçürülüb.

Yanındayıq, Türkiyə!