Füzuli Rayon İcra başçısı Alı Alıyev naməlum 14 şəhidin məzarının üstünün götürülməsi barədə tapşırıq verdi
Bu gün Azərbaycan dövlətinin öz vətəndaşlarına göstərdiyi diqqət və qayğı bütün cəmiyyətimiz, o cümlədən müharibə əlilləri və şəhid ailələri tərəfindən məmnunluqla qarşılanır.
Dövlət başçısı İlham Əliyevin rəhbərliyi ilə həyata keçirilən siyasətin əsas istiqamətlərindən birini müharibə veteranlarının, əlillərinin, şəhid ailələrinin sosial müdafiəsinin gücləndirilməsi, onların problemlərinin vaxtında həllinə nail olunması, hər cür qayğı ilə əhatə olunması təşkil edir.
Füzuli rayonunda da, vətənin bütövlüyü uğrunda öz canından keçmiş şəhid ailələrinə, həmçinin müharibə əlillərinə böyük diqqət və qayğı göstərilir. Füzuli Rayon İcra Hakimiyyətinin başçısı Alı Alıyev ötən gün Bala Bəhmənli kənd qəbiristanlığında olub, 1994-cü ildə Horadiz əməliyyatı zamanı şəhid olan naməlum 14 şəhidin məzarının üstünün götürülməsi ilə bağlı müvafiq tapşırıqlarını aidiyyatı üzrə verib və görüləcək işlərin ən qısa zamanda və yüksək səviyyədə yekunlaşmasını tələb edib.
Məlumat üçün bildiririk ki, 1994-cü ildə Horadiz əməliyyatı zamanı şəhid olan, naməlum 14 şəhidin nəşi, məhz o zaman Alı Alıyevin təşkilatçılığı ilə Bala Bəhmənli kənd qəbiristanlığında dəfn edilmişdir. Məzarların üstünün o zaman tam götürülməməsinin səbəbi isə şəhidlərin naməlum olması və lazım olarsa ekspertiza üçün analizlərin götürülməsi olub.
Faktinfo.az
Bu xəbər üçün şərh yazın