Gürcüstanda İsrail vətəndaşının İranın sifarişi ilə öldürülməsinin QARŞISI ALINDI
Gürcüstanda İsrail vətəndaşının sifarişlə öldürülməsinin qarşısı alınıb.
KONKRET.az xəbər verir ki, bu barədə Dövlət Təhlükəsizliyi Xidmətindən məlumat verilib. Məlumata görə, qətlin sifarişçisi İran vətəndaşıdır.
Gürcüstan əks-kəşfiyyatı ölkədə xaricdən sifariş verilən və bunun üçün Gürcüstana qatil göndərilən İsrail vətəndaşının qətlinin qarşısının alınması barədə məlumat yayıb.
Qətlin üçüncü ölkə vasitəsilə Gürcüstana gələn, “gizli rabitə vasitələri ilə təmin edilmiş” və obyektdə casusluq edən Pakistan vətəndaşı tərəfindənhəyata keçiriləcəyi güman edilirdi.
Gürcüstana silahların çatdırılmasını ikili (Gürcüstan və İran) vətəndaşlığı olan və Gürcüstanda daimi yaşayan bir qrup şəxs həyata keçirib. Silahların ötürülməsi gizləndiyi yerlər vasitəsilə həyata keçirilib. Silah daşıyan qrupla qatilin birbaşa əlaqəsi olmayıb. Bütün koordinasiya xaricdən gəlirdi.
Dövlət Təhlükəsizliyi Xidməti bir neçə nəfərin saxlanıldığını, odlu silah və döyüş sursatı və məlumat daşıyıcılarının müsadirə edildiyini bildirir. İstintaqın maraqları baxımından başqa təfərrüatlar açıqlanmayıb.
Bu xəbər üçün şərh yazın