İcra başçısı bazara getdi,topdan satış mərkəzlərində oldu ,qiymətlərlə maraqlandı
Füzuli rayon İcra Hakimiyyətinin başçısı Alı Alıyevin vətəndaşlarla planlaşdırılmamış olan görüşləri, onların problem və qayğıları ilə yaxından maraqlanmağı mütamadi xarakter daşıyır.
Faktinfo.az-a Rayon İcra Hakimiyyətindən verilən məlumata görə, bu görüşlərin tərkib hissəsi olaraq Alı Alıyev 29 fevral tarixində Bala Bəhmənli kəndində (Dörd yol adlanan ərazidə) olmuş, vətəndaşlarla görüşmüş, bazarlarda, topdan satış mərkəzlərində ərzaq məhsullarının qiymətləri ilə maraqlanmış, alıcı və satıcılarla söhbət etmişdir. Alı Alıyev vətəndaşları narahat edən məsələlərlə, onların problem və qayğıları ilə də maraqlanmışdır.
O,görüş zamanı Azərbaycan Respubilkasının Prezidenti İlham Əliyev tərəfindən əhalinin sosial müdafiəsinin yaxşılaşdırılması sahəsində imzalanan sərəncamlardan bəhs edib. Bildirib ki, ölkəmizdə həyata keçirilən sosial-iqtisadi siyasətin təməlində Azərbaycan vətəndaşı, onun rifah halının yaxşılaşdırılması dayanır.
Rayon sakinləri də öz növbəsində Prezident cənab İlham Əliyevə və Birinci vitse-prezident Mehriban xanım Əliyevaya öz təşəkkürlərini bildirərək, bazarlarda qiymətlərin münasib olduğunu, hələlik hər hansı bir süni qiymət artımının olmadığını bildiriblər.
Bu xəbər üçün şərh yazın