İsveç NATO-ya üzv qəbul edilə bilər 

"Report.az" SVT telekanalına istinadən xəbər verir ki, bu bəyanatla İsveçin Baş naziri Maqdalena Andersson çıxış edib.

"Mən heç bir şəkildə NATO üzvlüyü istisna etmirəm", - Andersson deyib.

Bundan əvvəl NATO-nun Baş katibi Yens Stoltenberq alyansın xarici işlər nazirlərinin Finlandiya və İsveçlə əməkdaşlığın genişləndirilməsinə dair razılığa gəldiyini bildirib. Stoltenberq qeyd edib ki, bu iki ölkə Ukrayna böhranı ilə bağlı təşkilatın bütün məsləhətləşmələrində iştirak edəcək.

Finlandiyanın Baş naziri Sanna Marin bildirib ki, milli təhlükəsizlik məsələsi gündəmə gələrsə, ölkə NATO-ya qəbul olunmaq üçün müraciət etməyə hazırdır.