“Kəlbəcərin ən böyük faciələrindən biri minalardır” - İsrail səfiri
“Kəlbəcərin və işğaldan azad edilmiş bütün ərazilərin ən böyük faciələrindən biri mina təhlükəsidir”.
Bunu İsrailin Azərbaycandakı səfiri Corc Dik Kəlbəcərə səfər çərçivəsində jurnalistlərə bildirib.
O, İsrailin minatəmizlənməsi işində Azərbaycana öz köməyini təklif etdiyini bildirib: “Bəzi İsrail şirkətləri bu məsələdə öz təcrübəsini təklif etmək üçün Azərbaycana gəlib”.
Diplomat şirkətlərin bu sahədə əməkdaşlıq üçün yaxşı imkanlar axtarışında olduqlarını əlavə edib.
“Bura ərazi baxımından İsrailin ərazisinin yarısı qədərdir. Bu səbəbdən çox böyük iş görülməlidir və biz bu işdə kömək etməyə hazırıq”, - İsrail səfiri deyib./Report.az
Birinci məlumatlanmaq üçün facebook səhifəmizi
Bu xəbər üçün şərh yazın