Könül Nurullayeva AŞPA-nın plenar sessiyasında təkliflər irəli sürüb
Milli Məclisin deputatı Könül Nurullayeva 24-28 yanvarda keçirilən Avropa Şurası Parlament Assambleyasının plenar sessiyası çərçivəsində "Dinlənmək hüququ: uşaqların iştirakı, demokratik cəmiyyətin təməli" mövzusunda fikirlərini yazılı formada qarşı tərəfə çatdırıb.
Faktinfo.az xəbər verir ki,K.Nurullayeva öncə demokratik cəmiyyət qurmaq üçün qərarların qəbulu prosesində uşaqların fikirlərini, ideyalarını və təcrübələrini nəzərə alaraq, onların hüquqlarının qorunmasının vacibliyi məsələsinə toxunub. Daha sonra ölkəmizdə uşaq hüquqlarının müdafiəsi məqsədi ilə qəbul olunmuş Uşaq hüquqları haqqında Azərbaycan Respublikasının qanunu, Ailə Məcəlləsi, Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında Azərbaycan Respublikasının Qanunundan bəhs edən millət vəkili, Milli Məclis tərəfindən ratifikasiya olunmuş bəzi konvensiyalara da diqqət çəkib. Deputat uşaq hüquqlarının müdafiəsi ilə bağlı bir neçə təklif də irəli sürüb.
Birinci məlumatlanmaq üçün facebook səhifəmizi
Bu xəbər üçün şərh yazın