"Kreml hər məqamda Türkiyənin adının keçməsindən çılğına dönür" -REAL funksioneri Natiq Cəfərli

Məntiqlə, Kreml Qarabağın indi erməni silahlı birləşmələri qalan hissəsini Azərbaycan ərazisi saymır, ya da, rus əsgərinin çəkməsi dəyən hər yeri artıq öz ərazisi sayır".

Pravda.az-ın xəbərinə görə bunu, REAL funksioneri Natiq Cəfərli deyib.

N.Cəfərli bildirib ki, Peskova Azərbaycan Xarici İşlər Nazirliyinin indi cavab verməsini mənasız sayır ə, cavab başqa olmalıdı: "Türkiyə ilə hərbi-siyasi müqavilə daha üst səviyyəyə çıxarılmalı, Naxçıvan, Ağdam, Bərdə ərazisində təcili olaraq adını "baza" qoymadan birgə Hərbi Tədris Təlim Mərkəzləri yaradılmalıdır. Müqavilə bu il bağlanmalı, gələn ilin əvvəlində isə həmən həyata keçirilməlidir.

Bu gün Kreml ilə diplomatik və ritorik mübahisəyə girmək mənasızdır - Kreml daha çox Ermənistanın könlünü almağa çalışır və hər məqamda Türkiyənin adının keçməsindən çılğına dönür.

Biz artıq böyük geo-siyasi oyuna girdik, ciddi üstünlüklərimiz də var, zəif nöqtələrimiz də - indi üstünlüyü artırmaq, zəif nöqtələri qapatmaq vaxtıdır. Anladıq ki, bu günə maksimum naliyyət bu idi, anladıq ki, "Çanaqqale" mümkün olmadı - olsun, önümüzə baxmalı, gələcək üçün zəmin hazırlamalıyıq.

Daha bir məsələ: Özümüzü aldatmayaq - Qarabağla bağlı status məsələsi hər addımda gündəmə gələcək, bunun qarşısını siyasi-diplonatik almağın tək yolu var: Gecikmədən 1988-89-cu illərdə Ermənistan ərazisindən qovulmuş 235 min soydaşlarımızın ora qayıtması məsələsi artıq masada olmalıdı - Qarabağda nə status olacaqsa, eynisi Ermənistan ərazisində soydaşlarımız üçün olmalıdı. Eynisi, cümləsinə, vergülünə qədər. Bu iş ciddi işdir, artıq hüquqi addımlar atılmalı, masaya qoymaq üçün sənədlər toplusu hazırlanmalıdlr...".

Faktinfo.az