“Oğullarımızı bilərəkdən ölümə göndəriblər” – Erməni əsgər anaları

Müharibə zamanı itkin düşən əsgər analarından biri deyib ki, Baş Qərargah rəisinin keçmiş müavini Andranik Makaryan özünə ittihamları qəbul etmir. “Deyir ki, əmrə əməl ediblər. Onda desin ki, kimin əmrini yerinə yetirirdilər? Onlar bilirdilər ki, həmin ərazi artıq Azərbaycanın nəzarətindədir, amma buna baxmayaraq, oğlanları ora göndərdilər, buna görə də hamısı cəzalandırılmalıdırlar. Onlar valideynlərindən qaçırlar, çünki bizə nə deyəcəklərini bilmirlər”,- itkin düşən hərbçinin anası söyləyib.

İttihama görə, xüsusi döyüş tapşırığına cavabdeh olan general Makaryan Arsen Abqaryanın dəstəsinin mühasirəyə alındığını öyrəndikdən sonra köməyə tələsməyib, geri çəkilmək əmri verib və Qafana qayıdıb. Nəticədə “kimyaçıların hərbi hissəsi” adlanan Abqaryanın dəstəsinin 40 hərbçisindən 5-i əsir götürülüb, 12-si həlak olub, qalan 23 hərbçi və avtobus sürücüsü itkin düşüb.

General Andranik Makaryan heç nə etməməkdə ittiham olunur və onu 7 ildən 13 ilə qədər həbs gözləyir.
/AzVision.az