Sərkisyandan Azərbaycana böyük bir sürpriz- Prezidentin təbirincə Azərbaycan İRƏVAN,ZƏNGƏZUR və s.tarixi torpaqlarını,hətta MEĞRİ rayonunu tələb etməlidir

Sərkisyan xüsusilə Qarabağ müharibəsinin əsasının əslində 1920-ci ilə gedib çıxdığını bildirməsi diqqəti çəkib.

O deyib ki, məhz həmin il “Dağlıq Qarabağ Azərbaycana verildi”.

“Azərbaycan həmişə ərazi bütövlüyü məsələsini qaldırır. Hansı ərazi bütövlüyü? Sovet İttifaqının 70 il öncə verdiyi ərazi?”

Olduqca aktual bir məsələdir. Belə görünür ki, Ermənistan hərbi-siyasi rəhbərliyi Sovet İttifaqının 100 il öncəki işğalı zamanı dəyişdirilən sərhədlərlə razı deyil.

Tamamilə doğru bir iddiadır və tarixi həqiqətin bərpasına cəhd olduğu üçün Azərbaycan bu sürpriz təşəbbüsə dəstək verməlidir. Faktiki olaraq Azərbaycan Respublikası 1928-20-ci illərdə mövcud olan Azərbaycan Xalq Cümhuriyyətinin varisi olduğunu elan etdib, Ermənistan da eynilə. Ona görə də bütün atributlar (bayraq, gerb və s.) kimi, ərazi baxımından da AXC-nin torpaqlarına iddia hüququmuz vardır.

1920-ci il yanvarın 11-də isə AXC və Ermənistan dünyanın bir çox ölkələri tərəfindən (o cümlədən Fransa, ABŞ, Almaniya və s.) tanınıb. Həmin vaxt Azərbaycan dövləti öz suveren hüquqlarını tarixi torpaqları olan Zəngəzur, Meğri, Dərələyəz, Qafan, Göyçə də daxil olmaqla, 113,9 min kv/km-də bərpa etmişdi. Paris sülh konfransına AXC Xarici İşlər Nazirliyi tərəfindən 1919-cu ildə göndərilən xəritə də dünya axrivlərində saxlanılır.

Beləliklə, Armen Sərkisyanın SSRİ ilə, daha doğrusu Rusiya ilə bağlı iddiasını böyük məmnuniyyətlə qəbul edərək, 1918-ci ildə 9 min kv/km ərazidə yaradılmasına razılıq verilən Ermənistan dövlətinin hazırda 29 min kv/km əraziyə qədər böyüməsinin səbəbini aydınlaşdırmaq və SSRİ-nin Azərbaycan Xalq Cümhuriyyətinin torpaqlarını qəsb edərək, Ermənistana birləşdirməsi kimi tarixi ədalətsizliyi dəyişməyin tam zamanıdır.

QEYD: Ermənistan Prezidenti Armen Serkisyanın təbirincə Azərbaycan İrəvan,Zəngəzur və s.QƏRBİ AZƏRBAYCAN tarixi torpaqlarını,hətta 1930 ildə  Azərbaycan Kommunist Partiyası Mərkəzi Komitəsinin I katibi Levon Mirzoyan tərəfindən Ermənistana  bəxşiş edilmiş MEĞRİ rayonunu geri tələb etməlidir.Həmçinin SSRİ-nin indiki varisi Rusiya dövlətindən də tələb etməlidir ki,hansı əsasla Azərbaycan torpaqları hesabına Ermənistan dövləti təşkil edilib.O ki,qaldı Sərkisyanın Qarabağ müharibəsinin əsasının əslində 1920-ci ilə gedib çıxdığını bildirməsinə və Dağlıq Qarabağın1920-ci ildə Azərbaycana verilməsi məsələsinə o,yalan danışır.Həmin illərdə Qarabağ Azərbaycana yox,elə Azərbaycandan alınıb Ermənistana verilib. Bu vəziyyətlə Azərbaycanın tarixi şəxsiyyəti Nəriman Nərimanov barışmayıb,4 günlük siyasi mübarizədən sonra Qarabağın Ermənistana birləşdirilməsi baş tutmayıb.İndi, Armen Serkisyanın utanmadan-qızarmadan  tarixi təhrif etmək istəyir.O,bununla 1918-ci ildə İRƏVAN xanlığının ermənilərə verilməsini,bu torpaqların da geriyə istənilməsini "tətikləmiş" olur.

Faktinfo.az