Surət Hüseynovun kürəkəni zəhərlənmə iddiasından danışdı - İnanmıram...
Azərbaycanın sabiq baş naziri Surət Hüseynovun zəhərlənməsi barədə iddialar yayılıb.
Belə ki, bir sıra media orqanlarında sabiq baş nazirin yaxınları onun tədricən zəhərləndiyini iddia ediblər.
Onlar bildirir ki, Surət Hüseynov Azərbaycandan ona göndərilən ərzaq məhsullarının vasitəsilə zəhərlənib.
Surət Hüseynovun kürəkəni Kamran Məmmədov Gununsesi.info-ya özəl açıqlamasında bu iddiaları təkzib edib:
"Surət müəllim uzun müddət idi ki, xəstə idi. Mən inanmıram ki, hansısa zəhərlənmə şübhəsi olsun, indi bunu kimlərsə deyib. Bilmirəm niyə deyiblər, ancaq o xəstə idi və xəstəliyin nəticəsində də vəfat edib".
Surət Hüseynovun siyasi partiya yaratması barədə onun mətbuat katibinin dediyinə gəlincə, Kamran Məmmədov bu iddianı da inkar edib:"Onun belə bir istəyi olmayıb. Belə bir şey olsa mənim də xəbərim olardı.Surət müəllim son bir il idi ki,canıyla əlləşirdi".
Bu xəbər üçün şərh yazın