Türk valyutası daha da ucuzlaşacaq?
"Türkiyə Mərkəzi Bankı dekabr və yanvar aylarında faiz dərəcələrini endirməyə davam edəcək. Nəticədə, lirənin ucuzlaşması və inflyasiyanın yüksəlişi baş verəcək".
Yenisabah.az xəbər verir ki, bu barədə İngiltərə bankı “Barclays” məlumat yayıb. Məlumatda deyilir ki, mövcud pul siyasəti ucbatından lirənin dollara nisbəti ilin sonuna kimi (1 dollar üçün) 14,5, 2022-ci ilin birinci rübündə 15,5 və ikinci rübdə 16 lirəyə kimi zəifləmə deməkdir.
2022-ci ilin sonuna qədər bir avro üçün məzənnə 19,04 lirə olacaq.
Britaniya bankı Türkiyə Mərkəzi Bankının bu ay faiz dərəcəsini 13-ə endirərək investorların narahatlıqlarına məhəl qoymadığını bildirib.
“Barclays” bildirib ki, yaxın aylarda inflyasiyanın 30 faizə çatacağı gözlənilir.
Lirə bu gün məzənnədə 0,6 faiz ucuzlaşaraq 1 dollar üçün 13,75 olub.
Faktinfo.az
Birinci məlumatlanmaq üçün facebook səhifəmizi
Bu xəbər üçün şərh yazın